Amalumbo 33:1-22
33 Sekeleleni mwe balungama pa mulandu wa fisuma ifyo Yehova acita.+
Abakaele e balingile ukumulumbanya.
2 Lisheni insango pa kutootela Yehova;Mwimbileni inyimbo sha kumulumbanya* ninshi mulelisha icilimba ca nsale 10.
3 Mwimbileni ulwimbo ulupya;+Lisheni bwino insale uku ninshi mulesekelela.
4 Pantu ifyo Yehova alanda fyalilungama,+Kabili fyonse ifyo acita filanga ukuti alicetekelwa.
5 Alitemwa ubulungami no mulinganya.+
Pano isonde paisula ukutemwa kwa kwa Yehova ukushipwa.+
6 Ku cebo ca kwa Yehova imyulu yalipangilwe,+Na ku mupashi* wa mu kanwa kakwe, ifya mu muulu fyonse fyalipangilwe.*
7 Apindilila amenshi ya muli bemba nga ya mu cishiba;+Abika amenshi ayalelulunkana mu matala.
8 Lekeni isonde lyonse litiine Yehova.+
Abekala pano isonde nabamutiine.
9 Pantu alilandile, kabili fyalishilebako;+Alifumishe icipope, kabili fyonse fyalishilebako.+
10 Yehova nafulunganya amapange* ya nko;+Nalesha amapange* ya bantu.+
11 Lelo ifyo Yehova asalapo ukucita* fikabako umuyayaya;+Ifyo afwaya ukucita tafyaluka mu nkulo shonse.
12 Ba nsansa abantu abo Yehova e Lesa wabo,+Abantu abo asala pa kuti babe abantu bakwe.+
13 Yehova mu muulu alalolesha pe sonde,Alamona abana ba bantu bonse.+
14 Ukufuma ku cifulo cakwe uko ekala,Alolesha bonse abekala pe sonde.
15 E ubumba imitima ya bantu bonse;Alaceeceeta fyonse ifyo bacita.+
16 Ubwingi bwa bashilika te bulenga imfumu yapusuka;+No mwaume uwakwatisha amaka tapusukila ku maka yakwe.+
17 Ukucetekela ukuti kabalwe kuti apususha umuntu,*+ kuibepa fye;Nangu ca kuti alikwatisha amaka te kuti apusushe umuntu.
18 Moneni! Amenso ya kwa Yehova yalamona abamutiina,+Abalolela ukuti abalange ukutemwa ukushipwa,
19 Pa kuti abapusushe* ku mfwaKabili acingilile imyeo yabo mu nshita ya cipowe.+
20 Tulolela* Yehova ukuti atwafwe.
E utwafwa kabili e nkwela yesu.+
21 Imitima yesu ilasekelela pa fyo acita,Pantu twalicetekela ishina lyakwe ilya mushilo.+
22 Mwe Yehova, ukutemwa kwenu ukushipwa nakube pali ifwe,+Ilyo tulelolela ukuti mutwafwe.+
