Amalumbo 53:1-6
Ku mukalamba wa bakemba; mu mimbile ya Mahalati.* Maskili.* Ulwimbo lwa kwa Davidi.
53 Umuwelewele* alanda mu mutima wakwe ati:
“Takwaba Yehova.”+
Ifyo bacita tafyalungama kabili fya bunani;Takuli uulecita icisuma.+
2 Lelo Lesa ku muulu alolesha abana ba bantu,+Pa kuti amone nga paliba uwiluka, nga paliba uufwaya Yehova.+
3 Bonse balifuma mu nshila;Imibele yabo yalibipa.
Takuli uulecita icisuma,Takuli fye nangu umo.+
4 Bushe pa bacita ifyabipa paliba uwiluka?
Balya abantu bandi kwati balelya umukate.
Tabalilila kuli Yehova.+
5 Lelo bakaba no mwenso sana,Umwenso uo bashatala abomfwapo,*Pantu Lesa akasalanganya amafupa ya bakusansa.*
Iwe ukalenga bakaseebane, pantu Yehova nabakaana.
6 Lekeni ipusukilo lya kwa Israele lifume ku Sione!+
Ilyo Yehova akabwesha abantu bakwe bankole,Lekeni abatuntuka muli Yakobo basekelele na batuntuka muli Israele basansamuke.
