Amalumbo 95:1-11
95 Iseni tulumbanye Yehova ninshi tulesekelela!
Natulumbanye Icilibwe cesu umo tupusukila.+
2 Natuleya pa cinso cakwe tumutootele;+Natumwimbile ulwimbo lwa kucimfya.
3 Pantu Yehova ni Lesa mukulu,Ni Mfumu iikalamba iyacila tulesa tonse,+
4 Incende ishashika isha pano isonde shaba mu kuboko kwakwe;Impili ishitali na sho shakwe;+
5 Bemba iyo apangile yakwe,+Kabili amaboko yakwe e yapangile umulundu.+
6 Iseni tupepe Lesa no kumukontamina;Natufukamine Yehova Uwatupangile.+
7 Pantu ni Lesa wesu,Kabili tuli bantu bakwe abo acema.Tuli mpaanga isho asakamana.*+
Nga mwaumfwa ishiwi lyakwe buno bushiku,+
8 Mwileka imitima yenu ikose nga filya bashinwe bacitile mu Meriba,*+Kabili nga filya bacitile mu Masa* mu matololo,+
9 Ilyo banjeseshe;+Tabancetekele nangu ca kuti balimwene ifyo nacitile.+
10 Pa myaka 40 nalipatile ilya inkulo kabili nalandile nati:
“Aba bantu bakonkelela imitima yabo;Tabakonka inshila shandi.”
11 E ico nalilapile ninshi nimfulwa nati:
“Nshakabasuminishe ukutuushisha pamo na ine.”+
