Amalumbo 77:1-20
Ku mukalamba wa bakemba ba pali Yedutuni.* Ulwimbo lwa kwa Asafi.+
77 Nkalilila kuli Lesa mwi shiwi ilikalamba;Nkalilila kuli Lesa, na o akang’umfwa.+
2 Mu bushiku ndecula, nafwayafwaya Yehova.+
Mu nshita ya bushiku, nafungulwila amaboko yandi kuli ena ukwabula ukuleka.*
Takuli icingansansamusha.*
3 Nga naibukisha Lesa ndateta;+Ndomfwa ububi kabili amaka yalapwa.*+ (Selah)
4 Mwaikata inkopyo pa kuti nishibata;Ninkalipa kabili te kuti inande.
5 Natontonkanya pa nshiku sha kale,+Pa myaka ya kale sana.
6 Mu nshita ya bushiku ndebukisha ulwimbo lwandi;*+Ndatontonkanyapo sana mu mutima wandi;+Ndafwailisha* bwino bwino.
7 Bushe Yehova akatupoosa umuyayaya?+
Bushe takatale atutemwa na kabili?+
8 Bushe ukutemwa kwakwe ukushipwa takwakabeko umuyayaya?
Bushe pa ba mu nkulo shonse tapakabe nangu umo uukamonako uko ifyo alaya fikafikilishiwa?
9 Bushe Lesa alilaba ukutulanga icikuuku,+Nelyo bushe ubukali bwakwe bwalilenga aleka ukuba no luse? (Selah)
10 Bushe mfwile ukutwalilila ukulanda ati: “Icincusha*+ ca kuti:
Uwa Maka Yonse alileka ukutwafwa”?
11 Nkebukisha ifyo Jah acita;Nkebukisha ifisuma ifyo mwacitile kale.
12 Kabili nkatontonkanya sana pa milimo yenu yonseNkatontonkanya sana pa fyo mucita.+
13 Mwe Lesa inshila shenu sha mushilo.
Bushe kwaliba lesa uwakula nga imwe, mwe Lesa wesu?+
14 Nimwe Lesa wa cine, uucita ifintu ifisuma nga nshi.+
Mwalilenga abantu bamona amaka yenu.+
15 Mwapuswishe* abantu benu ku maka yenu,*+Abana ba kwa Yakobo na ba kwa Yosefe. (Selah)
16 Amenshi yalimumwene mwe Lesa;Amenshi yalimumwene kabili yalitendeke ukututuma.+
Kabili amenshi ayaba apashika yalilulunkene.
17 Amakumbi yalipongolwele amenshi.
Imyulu yalibulukwite,Kabili imifwi yenu iya nkuba yaile uku no ku.+
18 Iciunda ca cibulukutu+ cenu caleumfwika nge congo ce celeta;Ukubyasha kwa nkuba kwalisanike pano isonde ponse;+Isonde lyalitutwime kabili lyalitendeke ukutenta.+
19 Inshila yenu yapitile pali bemba,+Inshila yenu yapitile pa menshi ayengi;Lelo takwali uwamwene umo amakasa yenu yanyantile.
20 Mwatungulwile abantu benu ngo mukuni,+Mwabomfeshe Mose na Aarone* pa kubatungulula.+
Amafutunoti
^ Mu ciHebere, “ukwabula ukuti amaboko yandi yabe ne cifungalashi.”
^ Nelyo “icingasansamusha umweo wandi.”
^ Mu ciHebere, “umupashi wandi ulafenta.”
^ Nelyo “ulwimbo nyimba ninshi ndelisha icilimba ca nsale.”
^ Mu ciHebere, “Umupashi wandi ulafwailisha.”
^ Nelyo “Icindasaula.”
^ Mu ciHebere, “Mwalubwile.”
^ Mu ciHebere, “ku kuboko kwenu.”
^ Mu ciHebere, “Mwabomfeshe ukuboko kwa kwa Mose na Aarone.”
