Amalumbo 12:1-8

  • Yehova aima pa kuti acitepo cimo

    • Ifyo Lesa alanda fyalisanguluka (6)

Ku mukalamba wa bakemba ba pali sheminiti.* Ulwimbo lwa kwa Davidi. 12  Mpususheni mwe Yehova, pantu aba cishinka nabapwa;Abantu abacetekelwa nabaloba pa bantu.  2  Balabepana;Balasembeleka abantu ku milomo yabo* kabili balababepa.*+  3  Yehova akalofya imilomo yonse iisembeleka abantuNo lulimi uluitakisha sana,+  4  Abalanda abati: “Ululimi lwesu lukalenga tukacimfye. Tubomfya imilomo yesu ukulingana ne fyo tulefwaya;Nani akaba shikulu wesu?”+  5  “Pa mulandu wa bacula abo bacusha,Pa mulandu wa kuteta kwa bashakwata bakubafwa,+Nkema nkacitepo cimo,” e fyo Yehova alanda. “Nkabapususha ku babacusha.”*  6  Ifyo Yehova alanda fyalisanguluka;+Fyaba nga silfere iyo balopolola mwi lungu lya mulilo ilye bumba,* iyo baengulula imiku 7.  7  Mukabacingilila mwe Yehova;+Mukacingilila bonse kuli ino nkulo umuyayaya.  8  Ababifi bendauka fye ukwabula no wa kubakaanyaPantu abana ba bantu balalenga abantu balacita sana ifyabipa.+

Amafutunoti

^ Mu ciHebere, “Balanda ne milomo iyatelela.”
^ Mu ciHebere, “balanda umutima no mutima.”
^ Nelyo “kubabapumya.”
^ Nelyo kuti yapilibula no kuti, “ilungu lya kulopolwelamo ilyaba panshi.”

Copyrights for this publication