Amalumbo 105:1-45
105 Tooteleni Yehova,+ lilileni kwi shina lyakwe,Lengeni abantu na bantu+ beshibe imilimo yakwe.
2 Mwimbileni,* mwimbileni inyimbo sha kumulumbanya,Tontonkanyeni sana* pa fipesha mano fyonse ifyo acita.+
3 Itakishisheni pe shina lyakwe ilya mushilo.+
Lekeni imitima ya bafwaya Yehova isekelele.+
4 Fwayeni Yehova+ na maka yakwe.
Lyonse mulemulomba ukuti alemwafwa.
5 Ibukisheni ifisuma ifyo acita,Ifipesha amano fyakwe no bupingushi bwakwe,+
6 Mwe bana* ba kwa Abrahamu umubomfi wakwe,+Mwe bana baume ba kwa Yakobo abo asala.+
7 Ni Yehova Lesa wesu.+
Alapingula aba mwi sonde bonse.+
8 Alebukisha icipangano cakwe umuyayaya,+Icipangano ico apangene* ne nkulo iyalenga 1,000,+
9 Icipangano ico apangene na Abrahamu,+No mulapo uo alapile kuli Isaki,+
10 Uo alengele waba icipope ico apeele YakoboKabili icipangano ca muyayaya ico apangene na Israele,
11 Ilyo amwebele ati, “Nkakupeela icalo ca Kanaani+Pa kuti cikabe ubupyani bobe.”+
12 Pali ilya nshita bali fye abanono,+Bali abanono sana, kabili bali abalebeshi muli ici calo.+
13 Balyendawike mu nko ishingi,Baleti bafuma ku bufumu bumo, baya ku bufumu bumbi.+
14 Talekele umuntu nangu umo abacusha,+Lelo pa mulandu wabo akalipiile imfumu,+
15 Ashebele ati, “Mwi-ikata abantu abo nasuba,Kabili bakasesema bandi mwibacita icabipa nangu cimo.”+
16 Aletele icipowe mu calo;+Aonawile uko balefumya umukate wa kulya.*
17 Atumine Yosefe+ ukuti abatangilileUo bashitishe pa kuti abe umusha.
18 Bakakile amakasa yakwe na maceni;*+Bakakile no mukoshi wakwe na maceni*
19 Mpaka ifyo alandile fyacitika,+Ifyo Yehova alandile e fyamusangulwile.
20 Imfumu yatumine aba kuya mukakula,+Kateka wa nko alimufumishe mu cifungo.
21 Amulengele aba umukalamba pa ba mu ng’anda yakweAmusontele ukula-angalila ifyuma+ fyakwe fyonse,
22 Pa kuti akwate amaka pali bacilolo bakwe nga fintu alefwaya*Kabili alepanda abakalamba amano.+
23 Lyena Israele aile mu Egupti,+Kabili Yakobo aali umulebeshi mu calo ca kwa Hamu.
24 Lesa alengele abantu bakwe bafula nga nshi,+Alengele baba na maka ukucila abalwani babo.+
25 Abo alekele imitima yabo ya-aluka pa kuti bapate abantu bakwe,Na pa kuti bapangile ababomfi bakwe.+
26 Atumine Mose+ umubomfi wakwe,Na Aarone+ uo asalile.
27 Lesa alengele bacita ifishibilo pa ntanshi yabo,Bacitile ifipesha amano mu calo ca kwa Hamu.+
28 Alengele mu calo mwaba imfifi,+Tabakeene amashiwi yakwe.
29 Asangwile amenshi yabo yaba umulopaKabili aipeye isabi+ mu mimana yabo.
30 Mu calo cabo mwaishileba bacula+ abengi nga nshi,Baali na mu miputule ya mfumu.
31 Alengele ifipobe fyaisa mu calo cabo,Kabili ifisumi fyali mu ncende shonse umo baleikala.+
32 Alengele imfula yabo yaba imfula ya mabweKabili atumine inkuba* mu calo cabo.+
33 Alyonawile ifimuti fyabo ifya myangashi ne fya mikunyuKabili alyonawile ifimuti ifyali mu calo cabo.
34 Atile makanta ese mu calo cabo,Abana ba makanta abashingapendwa.+
35 Balilile ifimenwa fyonse ifya mu calo cabo,Baliile ne filimwa.
36 Lyena aipeye amabeli yonse mu calo cabo,+Intendekelo ya maka yabo aya bufyashi.
37 Ilyo alubwile abantu bakwe, pa kufuma basendele silfere na golde;+Takwali nangu umo uwa mu mikowa ya kwa Lesa uwaipunwine.
38 Abena Egupti balisekelele ilyo abena Israele baile,Pantu balebatiina.+
39 Abikile ikumbi ku numa yabo pa kuti abacingilile+
Kabili mu nshita ya bushiku alebomfya umulilo pa ku bapeela ulubuuto.+
40 Ilyo bamulombele inama abapeele inkwale,+Atwalilile ukubapeela ifya kulya ifingi ukufuma ku muulu.+
41 Alepwile icilibwe, na menshi yatendeke ukufuma;+Yalepita mu ciswebebe ngo mumana.+
42 Pantu aibukishe umulapo wa mushilo uo alapile kuli Abrahamu umubomfi wakwe.+
43 E ico afumishe abantu bakwe ninshi balesekelela,+Abantu bakwe abo asalile baleimba ninshi nabasansamuka.
44 Abapeele ifyalo fya nko,+Bapyene ifyo abantu ba mu nko baculiile,+
45 Pa kuti balekonka ifipope fyakwe+Kabili baleumfwila amafunde yakwe.
Lumbanyeni Jah!*
Amafutunoti
^ Nelyo kuti yapilibula no kuti, “Landeni.”
^ Nelyo “Mushikileni inyimbo.”
^ Nelyo “Mwe batuntuka muli.” Mu ciHebere, “ulubuto.”
^ Mu ciHebere, “Amashiwi ayo aebele.”
^ Mu ciHebere, “Aonawile inkonto shonse isha mukate.” Nalimo ishi shali ni nkonto isho balekobekako umukate.
^ Mu ciHebere, “Bacushishe amakasa yakwe.”
^ Nelyo “Babikile umweo wakwe mu fyela.”
^ Nelyo “ukulingana ne fyo umweo wakwe walefwaya.”
^ Nelyo “ulubingu lwa mulilo.”
^ Nelyo “Aleluya!” “Jah” e fyo balemba ishina lya kuti Yehova mu kwipifya.
