Amalumbo 14:1-7
Ku mukalamba wa bakemba. Ulwimbo lwa kwa Davidi.
14 Umuwelewele* alanda mu mutima wakwe ati:
“Takwaba Yehova.”+
Ifyo bacita fibi kabili fya bunani;Takwaba uucita ifisuma.+
2 Lelo Yehova ku muulu alalolesha abana ba bantu panshiPa kuti amone nga paliba uwiluka, nelyo nga paliba uufwaya Yehova.+
3 Bonse fye nabafuma mu nshila;+Imibele yabo bonse naibipa.
Takuli uulecita icisuma,Takuli fye nangu umo.
4 Bushe pa bacita ifyabipa paliba uwiluka?
Balya abantu bandi kwati balelya umukate.
Tabalilila kuli Yehova.
5 Lelo bakaba no mwenso sana,+Pantu Yehova aaba ne nkulo ya balungama.
6 Mwe bacita ifyabipa mulesha ukufulunganya amapange ya wacula,Lelo Yehova e cubo cakwe.+
7 Lekeni ipusukilo lya kwa Israele lifume ku Sione!+
Ilyo Yehova akabwesha abantu bakwe bankole,Lekeni abatuntuka muli Yakobo basekelele, na batuntuka muli Israele basansamuke.
Amafutunoti
^ Nelyo “Uushaba na mano.”
