Amalumbo 81:1-16
Ku mukalamba wa bakemba ba pali Gititi.* Ulwimbo lwa kwa Asafi.+
81 Imbileni Lesa uutupeela amaka+ ninshi mulesekelela.
Welesheni kabili lumbanyeni Lesa wa kwa Yakobo.
2 Tendekeni ukwimba kabili buuleni akaoma,Insango iilila bwino e lyo ne cilimba ca nsale.
3 Lisheni intandala pa bushiku umweshi wamoneka.+Pa bushiku umweshi onse wamoneka, ilyo tusefya umutebeto wesu.+
4 Pantu ili lifunde ilyo abena Israele balingile ukulakonka,Lesa wa kwa Yakobo e walibikako.+
5 Abikileko ili ifunde pa kuti Yosefe aleibukisha+Ilyo Lesa akandile icalo ca Egupti.+
Nalyumfwile ishiwi,* lelo nshalishibe.
6 Lesa atila: “Nafumishe icisendo pa kubeya kwakwe;+Nafumishe no museke mu minwe yakwe.
7 Ilyo walecula walilile kuli ine, kabili nalikupuswishe;+Nalikwaswike mwi kumbi lya mfula ilyafiita.*+
Nalikweseshe pa menshi ya mu Meriba.*+ (Selah)
8 Umfweni mwe bantu bandi, nalamushinina.
We Israele, nga wakutika ifyo ndekweba,+
9 Tawakalebombela lesa uo ushaishiba,Kabili tawakalemukontamina.+
10 Ine ne Yehova, nine Lesa obe,Uwakufumishe mu calo ca Egupti.+
Asamwisha akanwa kobe, kabili nalaisushamo ifya kulya.+
11 Lelo abantu bandi tabaumfwile ifyo nabebele;Israele tang’umfwilile.+
12 E ico nabalekele bakonka imitima yabo iya bucintomfwa;Bacitile ifyo abene balemona ukuti fyali fye bwino.*+
13 Abantu bandi nga balyumfwile ifyo nabebele,+Israele nga alyendele mu nshila shandi,+
14 Nga nalyangufyenye ukubacimfishako abalwani,Nga nalikandile abalwani babo.+
15 Abapata Yehova bakaya pa cinso cakwe ninshi baletutuma ku mwenso,Kabili ifikabacitikila fikaba fya muyayaya.*
16 Lelo imwe akamuliisha* ingano ishawamisha*+Kabili akalenga mukekute ubuci bwa mu cilibwe.”+
Amafutunoti
^ Nelyo “ululimi.”
^ Ilyalola mu kuti “ukuumana.”
^ Mu ciHebere, “mu cifulo ca nkuba icafisama.”
^ Mu ciHebere, “baendele mu kupanda amano kwabo.”
^ Mu ciHebere, “inshita yabo ikaba ya muyayaya.”
^ Mu ciHebere, “akabaliisha, e kutila abantu ba kwa Lesa.”
^ Mu ciHebere, “amafuta ya ngano.”
