Amalumbo 49:1-20
Ku mukalamba wa bakemba. Ulwimbo lwa bana baume ba kwa Kora.+
49 Umfweni ifyo ndelanda mwe bantu bonse.
Kutikeni imwe bonse mwe bekala mu calo,*
2 Mwe bantu yaweyawe na mwe bashimucindikwa,*Mwe bakwata ifyuma na mwe bapiina.
3 Akanwa kandi kakalalanda ifya mano,Kabili nkalatontonkanya+ pa fikalalanga ukuti ndeluka ifintu.
4 Nkabika amano kwi pinda;Nkelula ubwile ninshi ndelisha insango.
5 Nshakatiine mu nshita nkaba na mafya,+Ilyo ababifi bakanshinguluka kabili ilyo bakalafwaya ukuncimfya.
6 Abacetekela ifyuma fyabo+Kabili abayumfwa pa mulandu wa kuti balikwata ifyuma ifingi,+
7 Pali aba tapali nangu umo uwingalubula umunankweNelyo uwingapeela Lesa icilubula pa kuti alubule umunankwe,+
8 (Umutengo wa kulubwilako imyeo yabo ukalamba nga nshiTe kuti bakumanishe ukulipila)
9 Pa kuti ekale umuyayaya no kukanamona icilindi.*+
10 Alamona ukuti na ba mano balafwa;Uwatumpa no ushakwata amano bonse balafwa,+Kabili ifyuma fyabo fishala fya bantu bambi.+
11 Bafwaya ukuti amayanda yabo yakabeko umuyayaya,Amatenti yabo yakabeko ku nkulo shonse.
Impanga shabo bashinika amashina yabo.
12 Lelo umuntu nangu acindame shani, takekalilile;+Aba fye nge nama ishifwa.+
13 Ifi e ficitikila abatumpa+Na babakonka abatemwa amashiwi ya fye ayo balanda. (Selah)
14 Bakabapingwila ukuya ku Nshiishi,* nge mpaanga isho baleya mu kwipaya.
Imfwa e ikabacema;Abalungama bakabateka+ ulucelo.
Bakaloba;+Inshiishi*+ e ikaba ing’anda yabo,+ te sano.
15 Lelo Lesa akandubula* ku maka* ya Nshiishi,*+Pantu akanjikata. (Selah)
16 Witiina pa mulandu wa kuti umuntu anonka icuma,Pa mulandu wa kuti ing’anda yakwe yacindaminako,
17 Pantu nga afwa takasendepo nangu cimo;+Takaye no bukata bwakwe ku nshiishi.+
18 Pantu ilyo ashilafwa alaitasha.*+
(Abantu balalumbanya umuntu nga anonka icuma.)+
19 Lelo alasuka aya ukwaya ifikolwe fyakwe.
Tabakatale abamonapo ulubuuto.
20 Umuntu uushiiluka ifi, nangu acindame shani,+Aba fye nge nama ishifwa.
Amafutunoti
^ Nelyo “mwe ba mu bwikashi buno.”
^ Mu ciHebere, “Mwe bana ba bantunse na mwe bana ba bantu.”
^ Nelyo “Inshiishi.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “akalubula umweo wandi.”
^ Mu ciHebere, “ukuboko.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “alatasha umweo wakwe.”
