Amalumbo 91:1-16
91 Onse uwikala mu cifulo ca Wapulamo ica fisama+Akacingililwa mu cintelelwe ca Wa Maka Yonse.+
2 Nkeba Yehova nati: “Nimwe cubo candi kabili uwa kuncingilila,+Nimwe Lesa wandi uo nacetekela.”+
3 Pantu akakupususha ku citeyo ca wikata ifyuni,Na ku cikuko.
4 Akakufimba amapindo yakwe,Kabili ukooba mu mapindo yakwe.+
Icishinka cakwe+ cikaba inkwela iikalamba kabili icibumba ica kukucingilila.+
5 Tawakatiine ifyo abantu batiina ubushiku,+Nelyo umufwi uulepupuka akasuba,+
6 Tawakatiine ne cikuko icisalangana mu mfifi,Nelyo icinkunka icipaya mu nshita ya kasuba.
7 Abantu 1,000 bakawila ku mbali yobeNa bantu 10,000 bakawila ku kwa kulyo kobe,Lelo iwe ifi ifyabipa tafyakakucitikile.+
8 Iwe ukalalolesha fyeIlyo ababifi bakalabakanda.
9 Apo watile: “Yehova e cubo candi,”
Naulenga Uwapulamo aba icifulo cobe ica kwikalamo;*+
10 Takwakabe ubucushi ubukakuponena,+Kabili icikuko tacakapalame kwi tenti lyobe.
11 Pantu akeba bamalaika bakwe+ ifya kucita,Pa kuti bakalekucingilila konse uko waya.+
12 Bakakusendela pa maboko yabo,+Pa kuti ulukasa lobe lwikaipununa kwi libwe.+
13 Ukanyanta pa nkalamo iyana na pa nsoka ya busungu sana;*Ukanyanta pa nkalamo iyana iya masense na pa nsoka iikalamba.+
14 Lesa alandile ati: “Apo alintemwa,* nkamupususha.+
Nkamucingilila pantu alishiba ishina lyandi.+
15 Akalilila kuli ine, kabili nkamwasuka.+
Nkaba nankwe ilyo akalacula.+
Nkamupususha kabili nkamucindamika.
16 Nkalenga akekale inshiku ishingi,+Kabili nkamulenga akamone ifyo nkamupususha.”*+
