Amalumbo 104:1-35
104 Lekeni numbanye* Yehova.+
Mwe Yehova Lesa wandi, muli bakulu icine cine.+
Mwafwala ubucindami no bukata,+
2 Mwafwala ulubuuto+ nge ca kufwala;Mwa-ansa imyulu kwati litenti,+
3 Akuula imiputule yakwe iya pa muulu mu menshi mu muulu,*+Alenga amakumbi yaba iceleta lyakwe,+Enda pa mapindo ya mwela.+
4 Alenga bamalaika bakwe baba na maka,*Alenga baba umulilo uukali.+
5 Alibika isonde pa mufula wa liko;+Talyakasele pa cifulo ca liko* umuyayaya.+
6 Mwafimbile isonde na menshi ayengi nge ca kufwala.+
Amenshi yafimbile impili.
7 Ilyo mwakalipe yalifulumwike;+Ilyo yaumfwile mwabulukuta, yalibutwike ninshi yaletutuma
8 —Impili shalininine+ ne mipokapoka yalitentemwike—Fyaile ku cifulo mwafipekanishishe.
9 Mwabikile umupaka umo amenshi yafwile ukupeleela,+Pa kuti tayafimbile isonde na kabili,
10 Mutuma utumfukumfuku mu mipokapoka;Pa kati ka mpili e po tufukaukila.
11 Tulalenga inama shonse isha mu mpanga shakwata amenshi ya kunwa;Ne mpunda sha mu mpanga e mo shinwa nga shaumfwa icilaka.
12 Pa muulu wa tuko e pekala ifyuni fya mu lwelele;Mu kati ka misambo iyafumba e mo fililila.
13 Atapilisha impili na menshi ya mu miputule yakwe iya pa muulu.+
Isonde likuta+ ififuma mu milimo yenu.
14 Alalenga icani ica kuti inama shilelya camenaNe fimenwa ifya kuti abantu balebomfya,+Pa kuti balelima ifya kulya
15 No mwangashi uulenga umutima wa muntu wasekelela,+Na mafuta ayalenga icinso catelela,Ne fya kulya ifilenga umutima wa muntu umwina kufwa+ waba na maka.
16 Ifimuti fya kwa Yehova lyonse filakwata amenshi ayengi,Imikedari ya mu Lebanone iyo alimbile,
17 Umo ifyuni fipanga ifinsa.
Ing’anda ya kwa kabaso+ yaba mu fimuti fya mikupri.
18 Mu mpili ishitali e mwikala ifibushi mabwe;+Mu fimabwe e muuba bapati.*+
19 Apangile umweshi pa kuti ube ica kwishibilako inshita sha mwaka;Akasuba kalishiba bwino ilyo kafwile ukuwa.+
20 Nimwe mulenga kwaba imfifi, pa kuti kube ubushiku,+Ilyo inama mpanga shonse shendauka mu mutengo.
21 Inkalamo ishana isha masense* shilabuluma ilyo shilefwaya inama sha kuti shilye+Kabili shifwaya ifya kulya ifyo Lesa ashipeela.+
22 Akasuba nga katula,Shilabelama kabili shilalaala umo shikala.
23 Umuntu alaya mu kubomba,Kabili alabomba mpaka icungulo.
24 Imilimo yenu Mwe Yehova+ ingi nga nshi!
Pa mulandu wa mano+ yenu mwalibombele iyi imilimo yonse.
Pano isonde paisula ifyo mwapanga.
25 Paliba bemba iikalamba kabili iyapabuka,Umwaba ifya mweo ifingi nga nshi, ifinono ne fikalamba.+
26 Muli iyi bemba e mupita amato,Kabili mwapangile Levayatani*+ ukuti emo aleangala.
27 Fyonse ifi nimwe filolelaPa kuti mufipeele ifya kulya pa nshita yalinga.+
28 Ifyo mufipeela, filalonganika.+
Nga mwafumbatule minwe yenu, filapokelela ifisuma ifingi.+
29 Nga mwafisa icinso cenu, filasakamikwa.
Nga mwafumyamo umupashi muli fyena, filafwa, fyabwelela na ku lukungu.+
30 Nga mwatuma umupashi wenu, filapangwa,+Kabili mulenga ifintu fyonse pe sonde fyaba ifipya.
31 Ubukata bwa kwa Yehova bukabako umuyayaya.
Yehova akasekelela pa milimo yakwe.+
32 Nga alolesha isonde, lilatutuma;Nga aikata impili, shilafutumuna icushi.+
33 Nkalaimbila Yehova+ inshiku shonse isha mweo wandi;Nkalaimba inyimbo sha kulumbanya Lesa wandi* ilyo ndi no mweo.+
34 Lekeni ifyo ntontonkanyapo filelenga alesekelela.*
Nkalasekelela pa mulandu wa kwa Yehova.
35 Ababembu bakabafumyapo pe sonde,Na babifi tabakabepo.+
Lekeni numbanye* Yehova. Lumbanyeni Jah!*
Amafutunoti
^ Nelyo “Lekeni umweo wandi ulumbanye.”
^ Mu ciHebere, “mu menshi.”
^ Mu ciHebere, “baba imipashi.”
^ Nelyo “talyakatelentente.”
^ Utu tunama utwikala mu mabwe.
^ Nelyo “Imisepela ya nkalamo.”
^ Nelyo “Nkalashikila Lesa wandi inyimbo.”
^ Nelyo kuti yapilibula no kuti, “Lekeni ifyo njetetula pali ena fibe ifisuma.”
^ Nelyo “Lekeni umweo wandi ulumbanye.”
^ Nelyo “Aleluya!” “Jah” e fyo balemba ishina lya kuti Yehova mu kwipifya.
