Amalumbo 138:1-8

  • Lesa alitubikako amano nangu ca kuti alisumbuka

    • ‘Mwalyaswike ipepo napepele’ (3)

    • ‘Nangu naenda mu cifulo umo bengansansa, mulancingilila’ (7)

Ulwimbo lwa kwa Davidi. 138  Nkamulumbanya no mutima+ wandi onse. Pa ntanshi ya tulesa,Nkamwimbila inyimbo sha kumulumbanya.*  2  Nkakontamina kwi tempele+ lyenu ilya mushilo,*Kabili nkalumbanya ishina lyenu,+Pa mulandu wa kutemwa kwenu ukushipwa na pa mulandu wa kuti muli ba cishinka. Pantu mwalilenga ifyo mwalaya ne shina lyenu fyacila ifintu fyonse.*  3  Mu bushiku nalilile kuli imwe, mwalinjaswike;+Mwalengele naba uwashipa* kabili mwalinkoseshe.+  4  Imfumu shonse isha pano isonde shikamulumbanya mwe Yehova,+Pantu shikomfwa ifyo mwalaya.  5  Shikemba pa fyo Yehova acita,Pantu Yehova alikwatisha ubukata.+  6  Nangu ca kuti Yehova alisumbuka, alamona abaicefya;+Lelo aba ukutali na ba cilumba.+  7  Nangu naenda mu cifulo umo bengansansa, mukancingilila.+ Mulatambalika ukuboko kwenu pa kuti mulwishe abalwani bandi abakalipe;Ukuboko kwenu ukwa ku kulyo kukampususha.  8  Yehova akacita fyonse ifyo afwaya ukuncitila. Mwe Yehova, ukutemwa kwenu ukushipwa kwabako umuyayaya;+Mwilekelesha imilimo ya minwe yenu.+

Amafutunoti

^ Nelyo kuti yapilibula no kuti, “Nkamushikila inyimbo pa kuti nkalwishe tulesa.”
^ Nelyo “icifulo cenu ica mushilo.”
^ Nelyo kuti yapilibula no kuti, “mwalilenga ifyo mwalaya fyacila ne shina lyenu.”
^ Nelyo “Mwalengele umweo wandi waba uwashipa.”

Copyrights for this publication