Amalumbo 38:1-22
Ulwimbo lwa kwa Davidi, ulo abantu bafwile ukulaibukisha.
38 Mwe Yehova, mwimfunda ninshi namufulwa,Nelyo ukunungika ninshi namukalipa.+
2 Pantu imifwi yenu naindasa, naingila sana mu kati ka mubili wandi,Kabili ukuboko kwenu kulentitikisha.+
3 Umubili wandi onse naulwala* pa mulandu wa bukali bwenu.
Mu mafupa yandi tamuli umutende pa mulandu wa kuti nimembuka.+
4 Pantu imembu shandi nashitulumana pa mutwe wandi;+Shili nge cipe icafina ico nshingasenda.
5 Ifilonda fyandi filenunka kabili nafibolaPa mulandu wa buwelewele bwandi.
6 Ninsakamikwa kabili ndi no bulanda nga nshi;Akasuba konse nyenda fye uwa bulanda.
7 Mu mubili wandi muli umulilo,*Umubili wandi onse naulwala.+
8 Nindeka ukumfwa ubukali kabili ninshonaulwa icibi;Ndeteta nga nshi* pa mulandu wa kukalipwa kwa mutima wandi.
9 Mwe Yehova, mwalishiba fyonse ifyo mfwaya,Kabili mulomfwa ukuteta kwandi konse.
10 Umutima wandi ulekulunkuta, amaka yandi nayapwa,Kabili ulubuuto lwa menso yandi naluya.+
11 Abo natemwa na banandi balantaluka pa mulandu wa bulwele nalwala,Kabili abo naishibana nabo sana beminina akatalamukila.
12 Abafwaya umweo wandi balanteya ifiteyo;Abafwaya ukuncita ifyabipa balalanda pa kunjipaya;+Akasuba konse balanshanya ifyo bengambepa.
13 Lelo nga filya uwakoma amatwi ashumfwa, na ine nshumfwa;+Nga filya cibulu ashilanda, na ine wine nshasamuna akanwa kandi.+
14 Naba ngo muntu uushingomfwa,Uo akanwa kakwe kashingalanda nangu cimo pa kuti aipokolole.
15 Pantu ndolela imwe mwe Yehova ukuti mungafwe,+Kabili mukangafwa mwe Yehova Lesa wandi.+
16 Pantu natile: “Besekelela pa mulandu ne filencitikilaKabili bempumya, amakasa yandi nga yashelela.”
17 Kwashele fye panono nga naliwile,Kabili lyonse naleumfwa ubukali.+
18 Naliyebelele icilubo nacitile;+Ulubembu nacitile lwalinsakamike.+
19 Lelo abalwani bandi balikosa* kabili ba maka,*Abampata apabula umulandu nabafula.
20 Balancita ifyabipa pa fisuma ifyo mbacitila;Balankaanya ukucita icisuma.
21 Mwe Yehova mwinsha.
Mwe Lesa mwintaluka.+
22 Angufyanyeni ukwisa mu kungafwa,Mwe Yehova, mwe pusukilo lyandi.+
