Amalumbo 86:1-17
Ipepo Davidi apepele.
86 Umfweni ifyo ndelanda* mwe Yehova kabili njasukeni,Pantu ni ncula kabili ndi mupiina.+
2 Cingilileni ubumi bwandi* pantu ndi wa cishinka.+
Pususheni umubomfi wenu uwamucetekela,Pantu nimwe Lesa wandi.+
3 Beni ne cikuuku kuli ine mwe Yehova,+Pantu ndilila kuli imwe akasuba konse.+
4 Lengeni umubomfi wenu asekelele,*Pantu nimwe nacetekela* mwe Yehova.
5 Pantu imwe mwe Yehova muli basuma+ kabili mwali-iteyanya ukwelela;+Mulalanga sana ukutemwa ukushipwa kuli bonse abalilila kuli imwe.+
6 Umfweni ipepo lyandi mwe Yehova;Kabili kutikeni ifyo ndemupaapaata ukuti mungafwe.+
7 Mu bushiku ndecula ndilila kuli imwe,+Pantu mulanjasuka.+
8 Takwaba lesa uwaba nga imwe mwe Yehova,+Kabili takwaba uwacitapo ifyo mwacita.+
9 Abantu bonse aba mu nko abo mwabumbileBakesa kabili bakamukontamina mwe Yehova,+Bakacindika ne shina lyenu.+
10 Pantu muli bakulu kabili mulacita ifipesha amano;+Imwe mweka fye nimwe Lesa.+
11 Nsambilisheni inshila yenu mwe Yehova,+
Nkenda mu cine cenu.+
Ngafweni pa kuti ndetiina ishina lyenu no mutima wandi onse.*+
12 Ndemulumbanya mwe Yehova Lesa wandi no mutima wandi onse,+Kabili nakulacindika ishina lyenu umuyayaya,
13 Pantu ukutemwa ukushipwa uko mwananga kukalamba,Kabili mwalipokolola ubumi bwandi* ku Nshiishi* iyashika.+
14 Mwe Lesa, abaituntumba nabanjimina;+Ibumba lya bankalwe lilefwaya ukunjipaya*Kabili tabamubikako amano.*+
15 Lelo imwe mwe Yehova, nimwe Lesa wa luse kabili uwa nkumbu,Uukokola ukukalipa kabili uwaba sana no kutemwa ukushipwa ne cishinka.*+
16 Alukileni kuli ine no kunanga icikuuku.+
Peeleni umubomfi wenu amaka yenu,+Kabili pususheni umwana umwaume uwa musha wenu umwanakashi.
17 Nangeni icishibilo ca* busuma bwenu,Pa kuti abampata bacimone kabili bekatwe insoni.
Pantu imwe mwe Yehova, nimwe mungafwa no kunsansamusha.
Amafutunoti
^ Nelyo “Kontameni no kukutika.”
^ Nelyo “umweo wandi.”
^ Nelyo “umweo wa mubomfi wenu usekelele.”
^ Nelyo “naimiishe umweo wandi kuli imwe.”
^ Nelyo “Lengeni mbe no mutima umo pa kuti ndetiina ishina lyenu.”
^ Nelyo “Sheol, e kutila inshiishi ya bantu bonse.”
^ Nelyo “umweo wandi.”
^ Nelyo “lilefwaya umweo wandi.”
^ Nelyo “tabamubika pa ntanshi yabo.”
^ Nelyo “icine.”
^ Nelyo “ubushininkisho bwa.”
