Amalumbo 23:1-6

  • “Yehova e Kacema wandi”

    • “Nshakabulishe nangu cimo” (1)

    • “Alalenga naumfwa bwino” (3)

    • “Kapu yandi yalisula” (5)

Ulwimbo lwa kwa Davidi. 23  Yehova e Kacema wandi.+ Nshakabulishe nangu cimo.+  2  Antwala mu kutuusha ukwaba icani iciteku icingi;Antungulula ku fifulo fya kutuushishako ukwaba amenshi.*+  3  Alalenga naumfwa bwino.*+ Antungulula mu nshila* sha bulungami pa mulandu we shina lyakwe.+  4  Nangu naenda mu mupokapoka umwafiita fititi,+Nshitiina ukunsansa,+Pantu mulaba na ine;+Inkonto yenu ilalenga ndeumfwa ukuti nincingililwa.*  5  Mumpekanishisha ifya kulya pe tebulo pa ntanshi ya balwani bandi.+ Mulansuba amafuta ku mutwe;+Kapu yandi yalisula.+  6  Ukwabula no kutwishika ubusuma bwenu no kutemwa kwenu ukushipwa fikankonka inshiku shonse isho nkaba uwa mweo,+Kabili nkekala mu ng’anda ya kwa Yehova inshiku shonse isha mweo wandi.+

Amafutunoti

^ Nelyo kuti yapilibula no kuti, “ku cifulo ukwaba amenshi kabili ukushaba icongo.”
^ Mu ciHebere, “utushila.”
^ Nelyo “Alalenga umweo wandi waumfwa bwino.”
^ Nelyo “ilansansamusha.”

Copyrights for this publication