Amalumbo 119:1-176

א [Aʹleph] 119  Balipaalwa aba kaele mu myendele yabo,+Abenda mu mafunde ya kwa Yehova.+   Balipaalwa abasunga amashiwi ayo atwibukishako;+Abamufwaya no mutima onse.+   Tabacita ifyabipa.+Benda mu nshila shakwe.+   Ni mwe mwatwebele+Ukubika amano ku kukonka ifipope fyenu.+   Iye kanshi imibele yandi nga yapampamina+Pa kukonka ifipope fyenu!+   Ninshi te kuti mbe ne nsoni,+Nga nakonka amafunde yenu yonse.+  Ndemulumbanishisha mu bulungami bwa mutima wandi,+Ilyo nasambilila ubupingushi bwenu ubwalungama.+   Ndekonka ifipope fyenu.+Shi mwindekelesha.+ ב [Behth]   Bushe umulumendo+ kuti asangulula shani imibele yakwe?Ni pa kuisunga ukulingana ne cebo cenu.+  10  Nimufwaya no mutima wandi onse.+Mwileka nshe amafunde yenu.+  11  Ifyebo fyenu nafisungila mu mutima wandi,+Pa kuti nimubembukila.+  12  Mwalicindama, mwe Yehova.Nsambilisheni ifipope fyenu.+  13  Ku milomo yandi nalisabankanya+Ubupingushi bonse ubwa mu kanwa kenu.+  14  Nsansamukila mu fyebo ifyo mutwibukishako,+Nga filya nsansamukila mu fyuma fimbi.+  15  Nkabika amano ku fipope fyenu,+Kabili nkabika amano ku nshila shenu.+  16  Ifipope fyenu e fyo nkatemwisha.+Nshakalabe icebo cenu.+ ג [Giʹmel]  17  Citileni umubomfi wenu ifisuma, pa kuti mbe no mweo+Pa kuti ndekonka icebo cenu.+  18  Nshibuleni amenso, pa kuti mone+Ifipesha amano ifya mu mafunde yenu.+  19  Ine ndi mulebeshi fye mu calo ici.+Mwimfisa amafunde yenu.+  20  Umweo wandi naunaka sana ku kufuluka+Ubupingushi bwenu inshita yonse.+  21  Mwaebaula abaituntumba abatiipwa,+Abashikonka amafunde yenu.+  22  Fumyeni pali ine umuseebanya ne misuula,+Pantu ndakonka ifyebo ifyo mutwibukishako.+  23  Bacilolo na bo baikala; balanshanya ifibi pali ine.+Lelo umubomfi wenu ena, abika amano ku fipope fyenu.+  24  Kabili ifyebo ifyo mutwibukishako nalifitemwisha,+E baume abampanda amano.+ ד [Daʹleth]  25  Umweo wandi walemenena ku lukungu.+Nsungeni uwa mweo ukulingana ne cebo cenu.+  26  Ninondolola imibele yandi, pa kuti munjasuke.+Nsambilisheni ifipope fyenu.+  27  Nengeni ukwiluka umwalola ifipope fyenu,+Pa kuti mbike amano ku fipesha amano fyenu.+  28  Nafufiwa utulo pa mulandu wa bulanda.+Njimyeni ukulingana ne cebo cenu.+  29  Fumyenimo inshila ya bufi muli ine,+Kabili nangeni uluse lwenu pa kunsambilisha amafunde yenu.+  30  Ninsala inshila ya cishinka.+Nimona ukuti ubupingushi bwenu bwaliba fye bwino.+  31  Naikalilila ku fyebo ifyo mutwibukishako.+Mwe Yehova, mwinenga insoni.+  32  Umwaya amafunde yenu e mo nakulaenda,+Pantu mwakusha umutima wandi pa kuti amafunde yenu na yambi yekalemo.+ ה [He]  33  Mwe Yehova, nsambilisheni ifipope fyenu,+Pa kuti ndefikonka fyonse.+  34  Nengeni ukwiluka, pa kuti ndekonka amafunde yenu+Pa kuti ndeyakonka no mutima onse.+  35  Nengeni ukwenda mu nshila ya mafunde yenu,+Pantu e mo nsansamukila.+  36  Alwileni umutima wandi ku fyebo mutwibukishako,+Kabili mwiwalwila ku kufwaya ubunonshi.+  37  Lengeni amenso yandi ukukanalolesha ifya fye;+Nengeni ukwenda mu nshila yenu ukuti mbe uwa mweo.+  38  Fisheni icebo cenu ku mubomfi wenu,+Icebo icimulenga ukuba na katiina kuli imwe.+  39  Lekeni ukuseebana kwandi uko ntiina kufumepo,+Pantu ubupingushi bwenu busuma.+  40  Moneni, mfuluka ifipope fyenu.+Mu bulungami bwenu e mo munsungile uwa mweo.+ ו [Waw]  41  Kabili lekeni imicitile yenu iya cikuuku ibe pali ine, mwe Yehova,+Kabili mpususheni ukulingana ne cebo cenu,+  42  Pa kuti njasuke uulenseebanya,+Pantu mu cebo cenu e mo nacetekela.+  43  Kabili mwipoka icebo ca cine mu kanwa kandi,+Pantu nalolela ubupingushi bwenu.+  44  Kabili lyonse nkalakonka amafunde yenu,+Umuyayaya, umuyayaya.+  45  Kabili nakulaenda umwapabuka,+Pantu nimfwayafwaya mu fipope fyenu.+  46  Nkalanda na pa fyebo ifyo mutwibukishako pa ntanshi ya shamfumu,+Kabili nshakabe ne nsoni.+  47  Kabili nkatemwisha amafunde yenu+Ayo natemwa.+  48  Nkemisha amaboko yandi ku mafunde yenu ayo natemwa,+Na ku fipope fyenu nkabikako amano.+ ז [Zaʹyin]  49  Ibukisheni icebo mwasosele ku mubomfi wenu,+Ico mwanenga ukulolela.+  50  Ici e cinsansamusha mu kucula kwandi,+Pantu icebo cenu cinenga ukuba uwa mweo.+  51  Abaituntumba bampumya icibi.+Lelo ku mafunde yenu nshafumako.+  52  Njibukisha ubupingushi bwenu ubwabako ukufuma umuyayaya, mwe Yehova,+No kuisansamusha.+  53  Ninkalipa sana pa mulandu wa babifi,+Abasha amafunde yenu.+  54  Ifipope fyenu fili nge nyimbo sha malumbo kuli ine+Mu ng’anda umo njikala ngo mulebeshi.+  55  Naibukisha ishina lyenu ubushiku, mwe Yehova,+Pa kuti nsunge amafunde yenu.+  56  Ici na co candi,Pantu ndakonka ifipope fyenu.+ ח [Chehth]  57  Yehova e cakaniko candi;+Nindaya ukuti nakulakonka ifyebo fyenu.+  58  Napapaata imwe no mutima wandi onse.+Mbeleleni uluse ukulingana ne cebo cenu.+  59  Nintontonkanya pa mibele yandi,+Pa kuti mbweseshe amakasa yandi ku fyebo fyenu ifyo mutwibukishako.+  60  Nalyangufyenye, no kukanashingashinga+Ukukonka amafunde yenu.+  61  Imyando ya babifi yalimpombele.+Nshalabile amafunde yenu.+  62  Ubushiku pa kati ndeema ku kumutasha+Pa bupingushi bwenu ubwalungama.+  63  Abanandi ni abo abamutiina,+Na bakonka ifipope fyenu.+  64  Mwe Yehova, icikuuku cenu caba fye mpanga yonse pano isonde.+Nsambilisheni ifipope fyenu.+ ט [Tehth]  65  Mwalicitila umubomfi wenu ifisuma,+Mwe Yehova, ukulingana ne fyo mwasosele.+  66  Nsambilisheni ubusuma,+ amano+ no kwishiba,+Pantu nacetekela mu mafunde yenu.+  67  Ilyo amacushi yali tayalaisa pali ine nalebembuka mu kuluba,+Lelo nomba ndakonka ifyebo fyenu.+  68  Muli basuma kabili mucita ifisuma.+Nsambilisheni ifipope fyenu.+  69  Abaituntumba bambepesha ubufi.+Lelo ine, nakulakonka ifipope fyenu no mutima wandi onse.+  70  Imitima yabo yatikama nga mafuta.+Lelo ine, amafunde yenu e yo natemwisha.+  71  Cili fye bwino kuli ine ukuti mpite mu kucula uku,+Pa kuti nsambilile ifipope fyenu.+  72  Amafunde+ ya mu kanwa kenu yabelako ukungafwa,+Yawama ukucila golde iingi na silfere.+ י [Yohdh]  73  Iminwe yenu e yampangile no kuleka mbeko.+Nengeni ukwiluka, pa kuti nsambilile amafunde yenu.+  74  Abamutiina e basekelela ilyo bamona,+Pantu nalolela icebo cenu.+  75  Mwe Yehova, nalishiba ukuti ubupingushi bwenu bwalilungama+No kuti ni pa mulandu wa cishinka cenu mwansalapwila.+  76  Lekeni icikuuku cenu, cinsansamushe,+Ukulingana ne cebo cenu ku mubomfi wenu.+  77  Lekeni uluse lwenu lwise pali ine, pa kuti mbe no mweo;+Pantu amafunde yenu e yo natemwisha.+  78  Lekeni abaituntumba balengwe insoni, pantu bambepa apabula umulandu.+Lelo ine, nakulatontonkanya pa fipope fyenu.+  79  Lekeni abamutiina,Abaishiba ne fya kutwibukishako fyenu,+ baalukile kuli ine.+  80  Lekeni umutima wandi ulekonka ifipope fyenu ukwabula ukulufyanya,+Pa kuti nilengwa insoni.+ כ [Kaph]  81  Umweo wandi naunaka nga nshi ku kufwaya ukupususha kwenu;+Pantu ndolela icebo cenu.+  82  Amenso yandi yanaka ku kufwaya icebo cenu,+ Kabili ndeti: “Ni lilali mukansansamusha?”+  83  Pantu naba nge nyambi+ iili pa cushi.Nshalaba ifipope fyenu.+  84  Bushe inshiku sha mubomfi wenu shaba shinga?+Ni lilali mukapingula abancusha?+  85  Abaituntumba banyimbila amacinga ukuti banjikate,+Abashikonka amafunde yenu.+  86  Amafunde yenu yonse ya cishinka.+Lelo bena bancusha apabula umulandu. Ngafweni.+  87  Kwashala panono nga bamfumya pa calo;+Lelo ine nshasuula ifipope fyenu.+  88  Lekeni mbe no mweo ukulingana ne cikuuku cenu,+Pa kuti ndekonka ifyebo fyenu ifyo mutwibukishako ififuma mu kanwa kenu.+ ל [Laʹmedh]  89  Icebo cenu, mwe Yehova,+Caiminina umuyayaya mu muulu.+  90  Icishinka cenu ca ku nkulo ne nkulo.+Mwalishimpa icalo, ukuti ciminine umuyayaya.+  91  Fyaiminina ukufika na lelo ukulingana no bupingushi bwenu,+Pantu ifi fyonse fibombelo fyenu.+  92  Ine mbula kutemwisha amafunde yenu,+Nga nafwila fye mu bucushi bwandi.+  93  Nshakalabe ifipope fyenu umuyayaya,+Pantu e mo mwambakila uwa mweo.+  94  Ndi muntu wenu. Shi mpususheni,+Pantu nimfwayafwaya mu fipope fyenu.+  95  Ababifi nine bapembelela, ukuti banjipaye.+Lelo ine ntontonkanya pa fyebo fyenu ifya kutwibukishako.+  96  Nalimona ukuti ifintu fyonse fyalipelebela.+Lelo amafunde yenu tapaba ico yashalandapo. מ [Mem]  97  Amafunde yenu naliyatemwa icine cine!+Akasuba konse e yo ntontonkanyapo.+  98  Amafunde yenu yanenga ukuba uwa mano ukucila abalwani bandi,+Pantu yandi umuyayaya.+  99  Pali bakasambilisha bandi bonse tapaba nangu umo uwancila amano,+Pantu ifya kutwibukishako fyenu e fyo ntontonkanyapo,+ 100  Nalicila abakalamba mu kwiluka,+Pantu ndasunga ifipope fyenu.+ 101  Ntalusha amakasa yandi ku kwenda mu nshila yonse iibi,+Pa kuti ndekonka icebo cenu.+ 102  Ku bupingushi bwenu nshafumako,+Pantu mwalinsambilisha.+ 103  Ifyo ifyebo fyenu ifyatelela mu kanwa kandi,Fyalowa ukucila ubuci mu kanwa kandi!+ 104  Ifipope fyenu e fyanenga ukuti ndeiluka.+E co napatila inshila ya bufi yonse.+ נ [Nun] 105  Icebo cenu ni nyali ku makasa yandi,+Kabili lubuuto mu nshila yandi.+ 106  Nindapa umulapo, kabili nkaufishapo,+Umulapo wa kulaumfwila ubupingushi bwenu ubwalungama.+ 107  Nincushiwa apakalamba.+Mwe Yehova, nsungeni uwa mweo ukulingana ne cebo cenu.+ 108  Mwe Yehova, lekeni imituulo ya mu kanwa kandi iya kuitemenwa imusekeshe,+Kabili nsambilisheni ubupingushi bwenu.+ 109  Lyonse naba mu kapoosa mweo;+Lelo amafunde yenu nshayalaba.+ 110  Ababifi banteya iciteyo,+Lelo ku fipope fyenu nshafumako.+ 111  Nimpokelela ifya kutwibukishako ukuti fibe fyandi umuyayaya,+Pantu e filenga umutima wandi ukusansamuka.+ 112  Nayalwila umutima wandi ku kukonka amafunde yenu+Umuyayaya, ukufika ku mpela.+ ס [Saʹmekh] 113  Aba mitima ibili nalibapata,+Lelo amafunde yenu naliyatemwa.+ 114  Ni mwe ica kufisamamo candi kabili ni mwe inkwela yandi.+Pantu ndolela icebo cenu.+ 115  Ntalukeni, mwe ncitatubi mwe,+Pa kuti nsunge amafunde ya kwa Lesa wandi.+ 116  Ngafwilisheni ukulingana ne cebo cenu, pa kuti mbe uwa mweo,+Kabili mwileka nengwe insoni mu kulolela kwandi.+ 117  Nkosheni, ukuti mpusuke,+Na ine nkalalolekesha amafunde yenu lyonse.+ 118  Bonse abashikonka amafunde yenu mwabapoosa;+Pantu ni ncenjeshi kabili ba bufi.+ 119  Ababifi bonse aba pano isonde mwabafumyapo nga munyela.+E co natemenwa ifyebo fyenu ifya kutwibukishako.+ 120  Umubili wandi watutuma pa mulandu wa kutiina imwe;+Kabili naliba no mwenso pa mulandu wa bupingushi bwenu.+ ע [Aʹyin] 121  Napingula mu mulinganya kabili nacita icalungama.+Mwimpeela ku bamfyenga!+ 122  Beni iciikatilo ca kuti mukacitila umubomfi wenu icisuma.+Shi mwileka abaituntumba bamfyenge.+ 123  Amenso yandi yanaka ku kufwaya ukupususha kwenu+Ne fyebo fyenu ifyalungama.+ 124  Citeni ku mubomfi wenu ukulingana ne cikuuku cenu,+Kabili nsambilisheni amafunde yenu.+ 125  Ndi mubomfi wenu.+ Nengeni ukwiluka,+Pa kuti njishibe ifya kutwibukishako fyenu.+ 126  Ni nshita ya kuti mucitepo cimo mwe Yehova.+Nabapula mu mafunde yenu.+ 127  E co natemenwa amafunde yenu+Ukucila golde, golde iyalopololwa.+ 128  E co mwena amafunde yenu yonse ayalanda pa fintu fyonse ukuti yalilungama;+Napata inshila yonse iya bufi.+ פ [Pe] 129  Ifyebo fyenu ifya kutwibukishako fyaliwamisha.+E co mfikonkela.+ 130  Ilyo ifyebo fyenu fyasokololwa fipeela ulubuuto,+Filenga abashaishibisha bailuka.+ 131  Nayasamisha akanwa, no kupeemashika,+Pa mulandu wa kufuluka amafunde yenu.+ 132  Alukileni kuli ine no kumbelela uluse,+Ukulingana no bupingushi bwenu ku batemwa ishina lyenu.+ 133  Shimpeni intampulo shandi mu fyebo fyenu,+Kabili mwileka icabipa nangu cimo cinteke.+ 134  Mpokololeni ku muntu onse uwa bucenjeshi,+Na ine nkakonka amafunde yenu.+ 135  Lekeni icinso cenu cisanikile umubomfi wenu,+Kabili nsambilisheni ifipope fyenu.+ 136  Amenso yandi yapongolola imilonga ya menshi+Pa mulandu wa kuti tabakonka amafunde yenu.+ צ [Tsa·dhehʹ] 137  Mwe Yehova, mwalilungama,+No bupingushi bwenu bwalitambalala.+ 138  Ifya kutwibukishako+ fyenu fyalilungamaKabili fya cishinka nga nshi.+ 139  Cankalipa nga nshi,+Pa mulandu wa kuti abalwani bandi balilaba ifyebo fyenu.+ 140  Ifyebo fyenu fyalilopololwa icine cine,+No mubomfi wenu alifitemwa.+ 141  Ine nshacindama kabili ndi wa fye.+Lelo nshalaba ifipope fyenu.+ 142  Ubulungami bwenu bulungami bwa muyayaya,+Na mafunde yenu ya cine.+ 143  Ukucula na mafya fyalinsangile.+Lelo amafunde yenu naliyatemenwe.+ 144  Ifya kutwibukishako fyenu fyalilungama umuyayaya.+Nengeni ukwiluka, pa kuti mbe no mweo.+ ק [Qohph] 145  Nakuuta no mutima wandi onse.+ Njasukeni, mwe Yehova.+Nkalakonka ifipope fyenu.+ 146  Nakuuta kuli imwe. Shi mpususheni!+Na ine nkalakonka ifyo mutwibukishako.+ 147  Nashibuka lucelocelo ilyo pafiitile,+ ukuti nkuute mutuule.+Ifyebo fyenu e fyo ndolela.+ 148  Amenso yandi yatangilila ubulinde bwa bushiku,+Pa kuti ntontonkanye pa fyebo fyenu.+ 149  Shi umfweni ishiwi lyandi ukulingana ne cikuuku cenu.+Mwe Yehova, nengeni ukuba uwa mweo ukulingana no bupingushi bwenu.+ 150  Nabapalama abakonkelela imibele ya kuilekelesha;+Nabataluka na ku mafunde yenu.+ 151  Mwaliba mupepi, mwe Yehova,+Kabili amafunde yenu yonse ya cine.+ 152  Ukutula ku kale nalishiba ifyebo fimo fimo ifyo mutwibukishako,+Pantu mwafibikileko ukuba ifya muyayaya.+ ר [Rehsh] 153  Shi moneni ukucula kwandi, no kumpususha;+Pantu nshalaba amafunde yenu.+ 154  Shi ndubulwileni no kungafwa;+Nsungeni uwa mweo ukulingana ne fyebo fyenu.+ 155  Ipusukilo lyalitaluka ku babifi,+Pantu mu fipope fyenu tabafwayafwayamo.+ 156  Uluse lwenu, mwe Yehova, lwingi icine cine.+Nengeni ukuba uwa mweo ukulingana no bupingushi bwenu.+ 157  Abancusha na balwani bandi bengi.+Lelo ku fyebo mutwibukishako nshafumako.+ 158  Nalimona abantu ababepa,+Kabili ndomfwa ubunani, pantu tabakonka ifyebo fyenu.+ 159  Shi moneni ifyo natemwa ifipope fyenu.+Mwe Yehova, nengeni ukuba uwa mweo ukulingana ne cikuuku cenu.+ 160  Icebo cenu conse ca cine,+Kabili ubupingushi bwenu bonse ubwalungama bwa muyayaya.+ ש [Sin] nelyo [Shin] 161  Bacilolo bancusha apabula umulandu,+Lelo umutima wandi waba na katiina ku fyebo fyenu.+ 162  Ndesekelela pa fyebo fyenu+Ifyo umo asekelela pa kusanga ifipe fya kupokolola ifingi.+ 163  Nalipata ubufi,+ kabili lyonse mona ubufi nge ca bunani.+Nalitemwa amafunde yenu.+ 164  Numbanya imwe imiku cinelubali (7) mu bushiku bumo+Pa bupingushi bwenu ubwalungama.+ 165  Abatemwa amafunde yenu balaba no mutende uwingi,+Kabili kuli bena takwaba ica kuipununako.+ 166  Nalolela ukupususha kwenu, mwe Yehova,+Ninsunga na mafunde yenu.+ 167  Ndakonka ifyebo mutwibukishako,+Kabili nalifitemwisha.+ 168  Ndakonka ifipope fyenu ne fyebo mutwibukishako,+Pantu imibele yandi yonse yaba pa ntanshi yenu.+ ת [Taw] 169  Lekeni ukupapaata kwandi kumfwike kuli imwe, mwe Yehova.+Nengeni ukwiluka ukulingana ne cebo cenu.+ 170  Lekeni ukulomba kwandi ukwa kumbelela uluse kumfwike kuli imwe.+Mpokololeni ukulingana ne cebo cenu.+ 171  Lekeni imilomo yandi imulumbanye,+Pantu munsambilisha ifipope fyenu.+ 172  Lekeni ululimi lwandi lwimbe ulwimbo lwa fyebo fyenu,+Pantu amafunde yenu yonse yalilungama.+ 173  Lekeni ukuboko kwenu kungafwe,+Pantu ifipope fyenu e fyo nasala.+ 174  Nafuluka ukupususha kwenu, mwe Yehova,+Na mafunde yenu naliyatemwa.+ 175  Lekeni ntwalilile uwa mweo no kulamulumbanya,+Kabili lekeni ubupingushi bwenu bulengafwa.+ 176  Naendauka nge mpaanga iilubile.+ Fwayeni umubomfi wenu,+Pantu nshalaba amafunde yenu.+

Amafutunoti