Amalumbo 54:1-7
Ku ng’omba nkalamba pa filimba fya nsale. Maskili. Ulwa kwa Davidi. Ilyo abena Sifi baishile no kusosa kuli Shauli abati: “Bushe Davidi tabelama muli ifwe?”+
54 Mwe Lesa, mpusushisheni kwi shina lyenu,+Kabili ndubulwileniko pa mulandu wa maka yenu.+
2 Mwe Lesa, umfweni ipepo lyandi;+Kutikeni ku mashiwi ya mu kanwa kandi.+
3 Pantu kuli abantu bambi bambi abanjimine,Na bantu ba lucu abalefwaya umweo wandi.+Tababika Lesa pa ntanshi yabo.+ Seʹlah.
4 Moneni! Lesa e ungafwa;+Yehova ali pa batungilila umweo wandi.
5 Akabwesesha ububi pa balwani bandi;+Batalalikeni ku cishinka cenu.+
6 Nkamwipaila ilambo lya kuitemenwa fye.+Nkacindika ishina lyenu, mwe Yehova, pantu lisuma.+
7 Pantu mu bucushi bonse alimpuswishe,+Na menso yandi yamona abalwani bandi.+
