Amalumbo 118:1-29
118 Tooteleni Yehova, pantu musuma;+Pantu icikuuku cakwe ca muyayaya.+
2 Lekeni Israele asose ati:“Pantu icikuuku cakwe ca muyayaya.”+
3 Lekeni aba mu ng’anda ya kwa Aarone basose abati:+“Pantu icikuuku cakwe ca muyayaya.”+
4 Lekeni abatiina Yehova basose abati:+“Pantu icikuuku cakwe ca muyayaya.”+
5 Ilyo nali mu bucushi nakuutile kuli Jah;+Jah alinjaswike no kumbika apapabuka.+
6 Yehova ali na ine; nshakatiine.+Cinshi ico umuntunse engancita?+
7 Yehova ali na ine pamo na balengafwa,+Pa kuti njitakishe pa bampata+
8 Cawamapo ukuuba muli Yehova+Ukucila ukucetekela umuntunse+
9 Cawamapo ukuuba muli Yehova+Ukucila ukucetekela abakankaala.+
10 Inko shonse shalinshingulwike.+Ni mwi shina lya kwa Yehova e mo naleshitamfisha.+
11 Ukunshinguluka, shalinshingulwike.+Ni mwi shina lya kwa Yehova e mo naleshitamfisha.
12 Shanshingulwike kwati ni nshimu;+Lelo shashimine ngo mulilo wa ku fimpuusa fya myunga.+Ni mwi shina lya kwa Yehova e mo naleshitamfisha.+
13 Bansunkile na maka pa kuti ngwe,+Lelo Yehova alingafwile.+
14 Jah e bucingo bwandi kabili e maka yandi,+Kabili e pusukilo lyandi.+
15 Ishiwi lya kwanga kabili ilye pusukilo+Lili mu matenti+ ya balungami.+Ukuboko kwa ku kulyo ukwa kwa Yehova kulecita ifya maka.+
16 Ukuboko kwa ku kulyo ukwa kwa Yehova kuleisansabika;+Ukuboko kwa ku kulyo ukwa kwa Yehova kulecita ifya maka.+
17 Nshafwe, lelo ndeba no mweo,+Pa kuti nsabankanye imilimo ya kwa Jah.+
18 Jah ansalapwile icibi,+Lelo tampoosele ku mfwa.+
19 Njiswileniko ku mpongolo sha bulungami.+E ko nalaingilila; ndelumbanya Jah.+
20 Iyi e mpongolo ya kwa Yehova.+E po abalungami bengilila.+
21 Ndemulumbanya, pantu mwalinjaswike+Kabili mwali ipusukilo lyandi.+
22 Ilibwe ilyo bakakuula bakeene+E lyaba pa muulu pa koona.+
23 Yehova umwine e wacita ici cintu;+Cena ca kupapa mu menso yesu.+
24 Ubu e bushiku bwa kwa Yehova;+Tuleanga no kusekelela mu bushiku ubu.+
25 Aleni, nomba, mwe Yehova, shi tupususheni!+Aleni, nomba, mwe Yehova, shi tulengeni ukutunguluka!+
26 Apaalwe Uuleishila mwi shina lya kwa Yehova;+Twamupaalila mu ng’anda ya kwa Yehova.+
27 Yehova e Lesa,+Kabili e utupeela ulubuuto.+Bomfyeni imisambo+ ku kuyemfya ulwendo lwa kusefya,+Ukufika fye na ku nsengo sha ku ciipailo.+
28 Ni mwe Lesa wandi, na ine nkamulumbanya;+Mwe Lesa wandi—nkamusansabika.+
29 Tooteleni Yehova, pantu musuma;+Pantu icikuuku cakwe ca muyayaya.+
