Amalumbo 66:1-20

Ku ng’omba nkalamba. Ulwimbo, ulwa malumbo. 66  Welesheni kuli Lesa ukuwelesha kwa kucimfya, mwe bantu bonse aba pe sonde.+   Lumbanishisheni ubukata bwe shina lyakwe pa filimba.+Lengeni ulwa kumutasha lube ulwa bukata.+   Soseni kuli Lesa amuti: “Imilimo yenu ya kutiinya icine cine!+Pa mulandu wa kufulisha kwa maka yenu abalwani benu bakesa kuli imwe mwenso mwenso.+   Abantu bonse aba pe sonde bakamukontamina,+Kabili bakamulumbanishisha pa filimba, bakalumbanya ishina lyenu pa filimba.”+ Seʹlah.   Iseni, mumone imilimo ya kwa Lesa.+Ifyo acitila abana ba bantu ifya kupapa.+   Asangwile bemba ukuba apauma;+Bayabukile umumana pa nshi ku makasa.+Kulya e ko twasamiinwe muli ena.+   Atekela ku maka yakwe umuyayaya.+Amenso yakwe yalolesha pa nko.+Kabili bankosamitwe beisansabika.+ Seʹlah.   Cindikeni Lesa wesu, mwe bantu na bantu,+Kabili lengeni amashiwi ya kumulumbanya yomfwike.+   E usunga imyeo yesu,+Kabili taleka inkasa shesu ukutelemuka.+ 10  Pantu mwatuceeceeta, mwe Lesa;+Mwatuwamya, ifyo silfere alopololwa.+ 11  Mwatwingisha mwi sumbu;+Mwabika ica kutitikisha pa ntungu shesu. 12  Mwalenga umuntu umwina kufwa ukwenda pa mitwe yesu;+Twapita mu mulilo na mu menshi,+Kabili mwatulenga ukutuusha.+ 13  Nkengila mu ng’anda yenu ne mituulo ya koca;+Nkafisha imilapo yandi kuli imwe+ 14  Iyo imilomo yandi yasosele+Kabili iyo akanwa kandi kasosele ilyo naculile nga nshi.+ 15  Imituulo ya koca iya twaina nkatuula kuli imwe,+pamo ne cushi ce lambo lya basukusuku.Nkatuula ing’ombe iilume na sawe.+ Seʹlah. 16  Iseni kabili kutikeni, imwe bonse mwe batiina Lesa, na ine nalamushimikila+Ifyo acitila umweo wandi.+ 17  Kuli ena e ko naliliile ku kanwa kandi,+Kabili namulumbanishishe ku lulimi lwandi.+ 18  Nga ca kuti ntontonkanya pa cabipa icili conse mu mutima wandi,Yehova takang’umfwe.+ 19  Cine cine Lesa naumfwa;+Nabika amano ku mashiwi ya mwi pepo lyandi.+ 20  Acindikwe Lesa, uushasuulile ipepo lyandi,Kabili uushafumishe icikuuku cakwe pali ine.+

Amafutunoti