Amalumbo 147:1-20

147  Lumbanyeni Jah,+Pantu cisuma ukulumbanishisha Lesa wesu+ pa filimba;Pantu ukumwimbila kwaliwama—ukumulumbanya kwalilinga.+   Yehova alekuula Yerusalemu;+Abapaswa ba kwa Israele abalonganya.+   Ondapa+ aba nkumbabulili,+No kubakakila pa filonda fyabo.+   Apenda intanda;+Shonse fye alashiita na mashina ya shiko.+   Shikulwifwe mukulu kabili alikwatisha amaka;+Ifyo aishiba teti tufilondolole.+   Yehova aafwilisha abafuuka;+Abwesesha pa nshi ababifi.+   Ankwileni Yehova ulwimbo lwa kutootela,+Lumbanishisheni Lesa wesu pali nsango,+   Uufimba imyulu ku makumbi,+Uuteyanishisha isonde imfula,+Uulenga impili ukumesha icani iciteku.+   Apeela inama ifya kulya,+Apeela no twana twa kwa mwankole utulelilila ifya kulya.+ 10  Tasekelela mu maka ya kwa kabalwe,+Nangu mu molu ya muntu.+ 11  Yehova asekelela mu baba na katiina kuli ena,+vMu balolela icikuuku cakwe.+ 12  Tasha Yehova,+ we Yerusalemu.Lumba Lesa obe, we Sione.+ 13  Pantu nakosha imipindo ya mpongolo shobe;Napaala abana bobe abali mu kati kobe.+ 14  Abika umutende mu mpanga yobe;+No kukupeela ingano ishawamisha pa kuti ulye no kwikuta.+ 15  Atuma icebo cakwe pano isonde;+Ne cebo cakwe cilabutukisha. 16  Apeela imfula ya bungululu bwabuuta nga masako ya mpaanga;+Asalanganya amenshi makaasa nge mito.+ 17  Apoosa imfula yakwe iya mabwe ngo tubufungau.+Nani wingeminina mu mpepo yakwe?+ 18  Atuma icebo+ cakwe no kufisungulula.Alenga umwela wakwe ukupuupa;+Na menshi yalatona. 19  Asosa icebo cakwe kuli Yakobo,+Ifipope+ fyakwe no bupingushi bwakwe kuli Israele.+ 20  Tabala acita ifyo ku luko lumbi;+Kabili ubupingushi bwakwe, inko tashabwishiba.+Lumbanyeni Jah!+

Amafutunoti