Amalumbo 81:1-16
Ku ng’omba nkalamba pali Gititi.+ Ulwimbo lwa kwa Asafi.
81 Awileni kuli Lesa, amaka yesu;+Welesheni ukuwelesha kwa kucimfya kuli Lesa wa kwa Yakobo.+
2 Imbeni ulwa malumbo+ buleni na kaoma,+Na nsango umusuma ne cilimba ca nsale.+
3 Lisheni intandala pa bushiku bwa kumoneka kwa mweshi upya;+Pa bushiku bwa mutebeto wesu, ilyo umweshi onse wamoneka.+
4 Pantu cipope kuli Israele,+Lesa wa kwa Yakobo e wapingula ici.
5 Acibikile pali Yosefe ku kuba ica kumwibukishako,+Ilyo alepita mu calo ca Egupti.+Ululimi ulo nshaishibe e lo naleumfwa.+
6 “Nafumishe icisendo pa kubeya kwakwe;+Amaboko yalekele ukusenda umuseke.+
7 Ilyo wali mu bwafya walikuutile, na ine nalikupokolwele;+Nakwasukile ukufuma mu ng’anda ya cibulukutu.+Nakweseshe pa menshi ya Meriba.+ Seʹlah.
8 Umfweni, mwe bantu bandi, na ine nalamushinina,+Iye we Israele, nga wakutika kuli ine.+
9 Ninshi muli iwe te kuti mube lesa umbi umbi;+Kabili tawingakontamina lesa umbi umbi.+
10 Ine Yehova, nine Lesa obe,+Uwakufumya mu calo ca Egupti.+Asamwisha akanwa kobe, na ine nalakesusha.+
11 Lelo abantu bandi tabaumfwa kwi shiwi lyandi;+Kabili Israele tafwaya nangu panono ukunakila.+
12 E ico nabalekele baye mu bumankonso bwa mitima yabo;+Bakonkele ukupanda amano kwabo abene.+
13 Iye kanshi abantu bandi nga baleumfwa kuli ine,+Kanshi Israele nga enda mu mibele yandi!+
14 Ababe fi nga nanasha abalwani babo ukwabula ubwafya,+Kabili nga nabwesesha ukuboko kwandi pa balwani babo.+
15 Kumfwa abapatisha Yehova, bakesamunakila,+Kabili inshita yabo ikaba iya muyayaya.
16 Kabili nkalamuliisha ingano ishawamisha,+Kabili nkamwikusha ubuci+ bwa mu cilibwe.”
