Amalumbo 55:1-23
Ku ng’omba nkalamba pa filimba fya nsale. Maskili. Ulwa kwa Davidi.
55 Kutikeni kwi pepo lyandi, mwe Lesa;+Kabili mwibelama ilyo ndelomba ukwafwa.+
2 Bikeni amano pali ine kabili njasukeni.+Nimfilwa ukutuusha pa mulandu wa kusakamikwa,+Kabili ninsakamikwa,
3 Pa mulandu we shiwi lya mulwani, pa mulandu wa kutitikisha kwa mubifi.+Pantu batwalilila ukuponesha pali ine icabipa,+Kabili bampatila mu cipyu.+
4 Umutima wandi uleshikitika mu nda,+Ne fya kulenga umwenso wa mfwa fyamponena.+
5 Umwenso e lyo no kututuma fyanjikata,+Kabili ukututuma kwamfimba.
6 Na ine ntila: “Nkwata amapindo nge nkunda,+Kuti napupuka nayaikala kumbi!+
7 Moneni! Kuti napupukila ukutali sana;+Kuti naikala mu mpanga.+—Seʹlah—
8 Kuti nayangufyanya ukuya ukwa kuubaUko ningabelama ku cipuupu ca mwela, atemwa inkuuka.”+
9 Mwe Yehova, fulunganyeni no kupusanya indimi shabo,+Pantu nimona ubunkalwe no kukansana mu musumba.+
10 Akasuba no bushiku balaushinguluka pa muulu wa malinga ya uko;+Kabili buncitatubi no kucululusha fili mu kati ka uko.+
11 Ubonaushi buli mu kati ka uko;Na mu lubansa lwa uko umutitikisha no bucenjeshi tafyafumamo.+
12 Pantu te mulwani anseebenye;+Aba ni o kuti nashipikisha.Te wampata icine cine aituumike pali ine;+Aba ni o kuti nabelama kuli ena.+
13 Lelo ni we, we mwina kufwa, we wali nga ine,+We munandi kabili umukaya wandi,+
14 Pantu twali abatemwana nga nshi;+Twale-enda ibumba ukwingila mu ng’anda ya kwa Lesa.+
15 Lekeni imishi yabo yonaulwe!+Lekeni batentemukile ku Nshiishi aba mweo;+Pantu pa nshita ya kulebela kwabo ifyabipa fyaba na bo.+
16 Lelo ine, kuli Lesa e ko nkalilila;+Kabili Yehova akampususha.+
17 Icungulo no lucelo na kasuba pa kati naba uwasakamikwa kabili ndateta,+Na o alomfwa ishiwi lyandi.+
18 Akalubula umweo wandi ku bulwi no ku-ubika umwa mutende,+Pantu abanjimina bengi.+
19 Lesa akomfwa no kubasuka,+Uwaikala pa cipuna ca bufumu ukufuma ku kale+—Seʹlah—Abantu abashaluka+Kabili abashabala abatiina Lesa.+
20 Afumisha ukuboko kwakwe pa baba no mutende na ena;+Asuula icipangano cakwe.+
21 Amashiwi ya mu kanwa kakwe yalitelela ukucila umukaka watikama,+Lelo umutima wakwe wa lubuli.+Amashiwi yakwe yalinakilila ukucila amafuta,+Lelo yaba nga bapanga abasomonwa.+
22 Poosa icisendo cobe pali Yehova,+Na o akakukosha.+Takaleke uwalungama ukutelententa.+
23 Lelo imwe, mwe Lesa, mukabatentemushisha pa nshi mu cilindi.+Kumfwa abantu ba milopa kabili incenjeshi tabakafishe na hafu wa nshiku shabo.+Lelo ine, nkamutetekela.+
