Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Amalumbo 115:1-18

115  Mwicindika ifwe, mwe Yehova, mwicindika ifwe,+Lelo cindikeni ishina lyenu+Ukulingana ne cikuuku cenu, ukulingana ne cishinka cenu.+   Nga cinshi ico inko shingasosela ashiti:+“Nga nomba, ali kwi, Lesa wabo?”+   Lesa wesu ali mu muulu;+Conse ico alefwaya ukucita alicita.+   Utulubi twabo twa silfere na golde,+Twapangwa ku minwe ya bantu.+   Akanwa twalikwata, lelo te kuti tulande;+Amenso twalikwata, lelo te kuti tumone;+   Amatwi twalikwata, lelo te kuti tumfwe.+Umona twalikwata, lelo te kuti tununshe.+   Iminwe twalikwata, lelo te kuti tutonye.+Amakasa twalikwata, lelo te kuti twende;+Tatufumya iciunda ku mikoshi ya tuko.+   Abatupanga bakaba fye nga twena,+Bonse abatucetekela.+   Mwe bena Israele, tetekeleni Yehova;+E kaafwa wabo kabili e nkwela yabo.+ 10  Mwe ba ng’anda ya kwa Aarone, tetekeleni Yehova;+E kaafwa wabo kabili e nkwela yabo.+ 11  Mwe batiina Yehova, tetekeleni Yehova;+E kaafwa wabo kabili e nkwela yabo.+ 12  Yehova natwibukisha; akapaala,+Akapaala aba ng’anda ya kwa Israele,+Akapaala aba ng’anda ya kwa Aarone.+ 13  Akapaala abatiina Yehova,+Abalanda na bacindama.+ 14  Yehova akamufusha,+Imwe na bana benu abaume.+ 15  Ni mwe Yehova apaala,+Uwapangile umuulu ne calo.+ 16  Imyulu yena, myulu ya kwa Yehova,+Lelo icalo apeela ku bana ba bantu.+ 17  Abafwa bena tabalumbanya Jah,+Nangu bonse abatentemukila ukwatalala tondolo.+ 18  Lelo ifwe twakulacindika Jah+Ukufuma nomba ukuya umuyayaya.+Lumbanyeni Jah!+

Amafutunoti