Amalumbo 30:1-12
Ulwa malumbo. Ulwimbo lwa pa kusefya kwa kupeela ing’anda.+ Ulwa kwa Davidi.
30 Nkamusansabika, mwe Yehova, pantu mwanjimya+No kukanaleka abalwani bandi ukusekelela pali ine.+
2 Iye mwe Yehova Lesa wandi, nakuutile kuli imwe, na imwe mwalimposeshe.+
3 Mwe Yehova, mwamfumya mu Nshiishi;+Mwanenga ukuba no bumi, ukuti nitentemukila mu nindi.+
4 Lumbanishisheni Yehova pa filimba, mwe ba cishinka bakwe,+Tooteleni icibukisho cakwe ica mushilo;+
5 Pantu ubukali bwakwe bwa pa kashita fye,+Uluse lwakwe lwena lwa nshita yonse iya mweo wa muntu.+Kuti ku cungulo ulelila,+ lelo ku lucelo wa-aula akapundu.+
6 Lelo ine, nalanda mu bwanalale nati:+“Nshakatelentenshiwe.”+
7 Mwe Yehova, pa mulandu wa kuti mufwaya ukuncitila ifisuma mwapampamika ulupili lwandi ku maka yenu.+Mwafishile icinso cenu; Na ine nalisakamikwe.+
8 Nalelilila kuli imwe mwe Yehova;+Kabili nalepapaata kuli Yehova ukuti ampaale.+
9 Bunonshi nshi buli mu mulopa wandi ilyo natentemukila mu nindi?+Bushe ulukungu kuti lwamulumbanya?+ Bushe kuti lwasosa pali bucine bwenu?+
10 Umfweni, mwe Yehova, no kumpaala.+Mwe Yehova, beni kaafwa wandi.+
11 Ukuloosha kwandi mwakusangula ukucinda;+Mwankakwila ulusamu,* kabili mwankaka ukusekelela mu musana,+
12 Pa kuti umweo wandi onse umulumbanishishe pa cilimba ukwabula ukuleka.+Mwe Yehova Lesa wandi, nkamulumbanya umuyayaya.+
Amafutunoti
^ Abantu balefwala “insamu” nga balelosha nelyo nga bali no bulanda.
