Amalumbo 32:1-11
Ulwa kwa Davidi. Maskili.
32 Alipaalwa uo baeleela ulubembu lwakwe, uo bafimba+ pa lubembu lwakwe.
2 Alipaalwa umuntu uo Yehova tabikilako ulubembu,+Kabili ushaba no bucenjeshi+ mu mutima wakwe.
3 Ilyo natalele amafupa yandi yalipomponteke mu kuteta kwandi akasuba konse.+
4 Ukuboko kwenu ukwafina kwali pali ine akasuba no bushiku.+Umutonshi wa bumi bwandi walyumine kwati ni mu lusuba.+ Seʹlah.
5 Nasukile nayebelela ulubembu lwandi kuli imwe, kabili nshafishile ubupulumushi bwandi.+Natile: “Nalayebelela imembu shandi kuli Yehova.”+Na imwe mwalinjelela pa membu shandi.+ Seʹlah.
6 Pali ici, uwa cishinka onse akapepa kuli imwe+Pa nshita mwingasangwa.+Ne lyeshi lya menshi ayengi, talyakafike pali ena.+
7 Muli ca kubelamamo candi; mukancingilila ku bucushi.+Mukalenga utupundu ukunshinguluka ilyo mukampususha.+ Seʹlah.
8 “Nkakucenjesha no kukusambilisha inshila iyo ufwile ukuyamo.+Nkakupanda amano ninshi na menso yandi yali pali iwe.+
9 Mwiba nga kabalwe nelyo nge mfalashi, inama ishishiiluka,+Ishitungululwa ku mukobelo nelyo ku cikakilo+Ilyo shishilapalama kuli iwe.”+
10 Umubifi aba ne fya kukalipwa ifingi;+Lelo uutetekela Yehova, icikuuku cakwe cilamushinguluka.+
11 Sekeleleni muli Yehova kabili angeni, mwe balungama;+Kabili auleni utupundu, imwe bonse mwe baololoka imitima.+
