Amalumbo 49:1-20

Ku ng’omba nkalamba. Ulwa bamwana Kora.+ Ulwa malumbo. 49  Umfweni ici, mwe bantu na bantu bonse.Kutikeni, imwe bonse mwe bekashi ba mu nkulo ne nkulo,+   Mwe bana ba bantunse na mwe bana ba bantu,Mwe ba fyuma na mwe bapiina bonse pamo.+   Akanwa kandi kakasosa ifya mano,+Kabili ifyo umutima wandi ukalatontonkanyapo fikaba fya mano.+   Nkateyamika ukutwi kwandi ku mapinda;+Pali nsango e po nkashimbwila icishimbiko candi.+   Cinshi ningatiinina mu nshiku sha bubi,+Ilyo ubupulumushi bwa balempoka nabunshinguluka?+   Abatetekela mu fyuma fyabo,+Kabili abaitakishisha pa fyuma fyabo ifingi,+   Tapali nangu umo pali aba uwingalubula nangu fye ni munyina,+Nelyo ukupeela kuli Lesa ica kumulubwilako;   (Kabili umutengo wa kulubwilako umweo wabo ukalamba icine cine+Ica kuti washala fye ukwabula ukulipilwa umuyayaya)   Pa kuti ekale umuyayaya no kukanamona inindi.+ 10  Pantu alamona na ba mano balefwa,+Bonse uwatumpa no ushakwata amano balafwa,+No kusha kuli bambi ifyuma fyabo.+ 11  Ukufwaya kwabo kwa kuti amayanda yabo yekalilile umuyayaya,+Amekalo yabo yekalilile ku nkulo ne nkulo.+Bainika impanga shabo amashina yabo.+ 12  Lelo umuntunse, nangu acindame shani, te kuti ekalilile;+Akaba fye nge nama isho baipaya.+ 13  Ifi e fyo ciba ku batumpa,+E lyo na ku babakonka pa numa abatemwa ukuitakisha. Seʹlah. 14  Babalingila ukuya ku Nshiishi kwati ni mpaanga;+Imfwa e ikabacema;+Kabili abalungama bakabateka ulucelo,+Ne mibili yabo ili no konaulwa;+Ukucila ukwikala apasansabala, ubwikalo bwabo buli mu Nshiishi.+ 15  Lelo, Lesa akampokolola mu minwe ya Nshiishi,+Pantu akampokelela. Seʹlah. 16  Witiina pa mulandu wa kuti umuntu umo anonka icuma,+Pa mulandu wa kuti ubukata bwa ng’anda yakwe bulekula,+ 17  Pantu ilyo afwa takasendepo nangu cimo;+Ubukata bwakwe tabwakamukonke pa nshi.+ 18  Pantu ilyo aali no mweo alepaala umweo wakwe;+(Kabili abantu bakakutootela pantu waicitila icisuma)+ 19  Umweo wakwe wafika fye pa nkulo nge ya fikolwe fyakwe.+Tabakatale abamona ulubuuto.+ 20  Umuntunse uushiiluka, nangu acindame shani,+Akaba fye nge nama isho baipaya.+

Amafutunoti