Amalumbo 9:1-20

Ku ng’omba nkalamba pali Muti-labene. Ulwimbo lwa kwa Davidi. א [ʼAʹleph]* 9  Nkamulumbanya, mwe Yehova, no mutima wandi onse;+Nkalenga fishibikwe ifipesha amano fyenu fyonse.+   Nkasekelela no kwangila muli imwe,+Nkalumbanishisha ishina lyenu pa cilimba, mwe Bapulamo.+ ב [Behth]   Ilyo abalwani bandi bapilibuka,+Bakaipununa no kuloba ukufuma ku cinso cenu.+   Pantu namumpingwilako no kundubulwilako;+Namwikala pa cipuna mulepingwila mu bulungami.+ ג [Giʹmel]   Namukalipila inko,+ namulofya umubifi.+Ishina lyabo namulifuuta umuyayaya, kabili pe na pe.+   We mulwani, ukonaulwa kobe konaulwa kwa pe,+Pamo ne misumba iyo wawisha.+Tabakabale abalumbulwapo.+ ה [Heʼ]   Lelo Yehova ena, akekala umuyayaya,+Akapampamika icipuna cakwe ku kupingula.+   Kabili akapingula aba pano nse mu bulungami;+Akapingula abantu ba mu nko mu bulungami.+ ו [Waw]   Kabili Yehova akaba icubo kuli onse uwacushiwa,+Icubo mu nshita sha mafya.+ 10  Kabili abaishiba ishina lyenu bakamutetekela,+Pantu tamwakatale amusha abamufwaya, mwe Yehova.+ ז [Zaʹyin] 11  Lumbanishisheni Yehova uwikala mu Sione pa filimba;+Soseni mu nko imilimo yakwe.+ 12  Pantu ilyo akafwaya abasumya umulopa,+ akebukisha abacushiwe;+Te kuti alabe nkuuta ya bacushiwe.+ ח [Chehth] 13  Mbeleleni uluse, mwe Yehova; moneni ubucushi bwandi ubo ncula ku bampata,+Mwe balenjimya ukufuma mu mpongolo sha mfwa,+ 14  Pa kuti nsabankanye imilimo yenu yonse iya lulumbi+Mu mpongolo+ sha mwana mwanakashi Sione,+Pa kuti nsansamukile mu kupususha kwenu.+ ט [Tehth] 15  Inko nashiponena mu cilindi ico shaimbile;+Mwi sumbu+ ilyo shateyele, e mwaikatwa amakasa ya shiko.+ 16  Yehova aishibikilwa ku bupingushi apingwile.+Ku mulimo wa minwe yakwe umubifi aikatwa nga mu citeyo.+Higayone. Seʹlah. י [Yohdh] 17  Ababifi+ bakaya ku Nshiishi,+Pamo ne nko shonse ishalaba Lesa.+ 18  Pantu abapiina tabakalabwe umuyayaya,+Kabili isubilo lya bafuuka talyakatale aliloba.+ כ [Kaph] 19  Imeni, mwe Yehova! Mwileka umwina kufwa abe ngo wakwatisha amaka.+Lekeni inko shipingwilwe ku cinso cenu.+ 20  Lekeni shibe no mwenso, mwe Yehova,+Pa kuti abantu ba mu nko beshibe ukuti bena kufwa fye.+ Seʹlah.

Amafutunoti

Ici e cilembo ca kubalilapo muli alufabeti wa ciHebere. Ilyo balembele ili lumbo pa kubalilapo fye bakonkele alufabeti.