Amalumbo 107:1-43

(Amalumbo 107 – 150) 107  Tooteleni Yehova, pantu musuma;+Pantu icikuuku cakwe ca muyayaya.+   E fyo basose abantu abo Yehova apokolola,+Abo apokolola mu minwe ya mulwani,+   Kabili abo alonganya ukufuma mu fyalo,+Ukufuma ukutulila akasuba no ko kawila,+Ukufuma ku kapinda ka ku kuso na ku kapinda ka ku kulyo.+   Baendawike mu matololo,+ mu ciswebebe;+Tabasangile inshila nangu imo iyaya ku musumba umo bengekala.+   Bali ne nsala, e lyo ne cilaka;+Bapene baleke umweo.+   Balelilila kuli Yehova mu kucula kwabo;+Abapokolwele ku mafya yabo,+   No kubalenga ukwenda mu nshila yalungama,+Pa kuti bafike ku musumba uo bengekalamo.+   Lekeni abantu batootele Yehova pa cikuuku cakwe+Na pa milimo yakwe iyapesha amano iyo aacitila abana ba bantu.+   Pantu apeela uwa cilaka amenshi ya kunwa;+No uli ne nsala amulenga ukwikuta ifisuma.+ 10  Kwali abaikele mu mfifi, mu mfifi iyafiita fititi,+Abafungwa abacushiiwe kabili abakakilwe mu fyela.+ 11  Pantu bapondokele+ ifyebo fya kwa Lesa;+Basuulile no kupanda amano kwa Wapulamo.+ 12  E ico anashishe imitima yabo pa kubalenga ukucululuka;+Bali-ipunwine, kabili tapali no wa kubaafwa.+ 13  E lyo baliliile kuli Yehova ukuti abaafwe mu kucula kwabo;+Kabili alibapokolwele mu mafya yabo nga fintu alecita lyonse.+ 14  Abafumishe mu mfifi, mu mfifi iyafiita fititi,+No kuputaula ifikakilo fyabo.+ 15  Lekeni abantu batootele Yehova pa cikuuku cakwe+Na pa milimo yakwe iyapesha amano iyo aacitila abana ba bantu.+ 16  Pantu natobaula ifiibi fya mukuba,+Naputaula ne mipindo ya cela.+ 17  Apo bali abawelewele, pa mulandu wa bumpulamafunde bwabo+Na pa mulandu wa membu shabo, basukile bailetelela ubucushi.+ 18  Imyeo yabo yalemona ifya kulya fya musango fye onse ukuti fya bunani,+Kabili bapalamine ku mpongolo sha mfwa.+ 19  E lyo bakuutile kuli Yehova ukuti abaafwe mu kucula kwabo;+Kabili alibapokolwele mu mafya yabo nga fintu alecita lyonse.+ 20  Atumine icebo cakwe no kubondapa+No kubafumya mu nindi shabo.+ 21  Lekeni abantu batootele Yehova pa cikuuku cakwe+Na pa milimo yakwe iyapesha amano iyo aacitila abana ba bantu.+ 22  Lekeni batuule amalambo ya kutootela+Kabili babile imilimo yakwe no kusekelela.+ 23  Abatentemukila kuli bemba mu mato,+No kucita ubukwebo pali bemba,+ 24  E bamona imilimo ya kwa Yehova+Ne fipesha amano fyakwe ifyaba mu menshi ayashika;+ 25  Ne fyo kwi shiwi fye alenga inkuuka ukwima,+Ica kuti yaimya na mabimbi ya pali bemba.+ 26  Baya mu muulu,Kabili batentemukila pa nshi.Pa mulandu wa bucushi imyeo yasunguluka.+ 27  Balatalantanta kabili benda ngo ukolelwe,+Na mano yabo yonse yalapela.+ 28  E lyo Balalilila kuli Yehova mu kucula kwabo;+Na o abapokolola mu mafya yabo.+ 29  Alenga icikuku ca mwela ukutalala,+Pa kuti amabimbi ya pali bemba yabe tondolo.+ 30  Awe basekelela, pantu ifi fyaba tondolo,E lyo abatungulula na ku cifulo ca mutelelwe uko balefwaya.+ 31  Lekeni abantu batootele Yehova pa cikuuku cakwe+Na pa milimo yakwe iyapesha amano iyo aacitila abana ba bantu.+ 32  Lekeni bamulumbanishishe mu lukuta lwa bantu;+Bamulumbanishishe apalongene abakalamba.+ 33  Asangula imimana ukuba amatololo,+No mufukauka amenshi ukuba impanga ya cilaka,+ 34  Icalo ca fisabo acalula ukuba ica mucele,+Pa mulandu wa kubipa kwa baikalamo. 35  Asangula amatololo ukuba icishiba ca menshi,+Ne mpanga yabulamo amenshi ukulafukaukamo amenshi.+ 36  Kulya e ko alenga aba nsala ukwikala,+Pa kuti bakuule umusumba wa kwikalamo.+ 37  Babyale mbuto mu mabala no kulima amabala ya myangashi,+Pa kuti yatwale ifisabo ifingi.+ 38  Kabili alabapaala pa kuti bafule icine cine;+Ne ng’ombe shabo taleka shacepa.+ 39  Lelo balacepa na kabili no kukontama+Pa mulandu wa lufyengo, ubucushi no bulanda.+ 40  Alenga abakankaala basuulwe,+Kabili alenga bendauke mu matololo, umushaba inshila.+ 41  Lelo acingilila abapiina ukubafumya mu bucushi+No kufusha indupwa shabo nge mpaanga.+ 42  Abalungama bamona no kusekelela;+Lelo ababifi, utunwa twabo twaisalwa.+ 43  Nani uwa mano? Akatontonkanya pali ifi fintu+E lyo akabika na mano ku milimo ya kwa Yehova iya cikuuku.+

Amafutunoti