Amalumbo 17:1-15
Ipepo lya kwa Davidi.
17 Mwe Yehova, umfweni icalungama, umfweni ukupapaata kwandi;+Kutikeni kwi pepo lyandi ilyabula ubucenjeshi.+
2 Mumpingule ni mwe;+Lekeni amenso yenu yamone ubulungami.+
3 Nga mwaceeceeta umutima wandi, nga mwanceeceeta ubushiku,+Nga mwansangulula; mwalasanga ukuti nshili na mapange yabipa.+Akanwa kandi takakapulemo.+
4 Lelo imicitile ya bantu,Ku cebo ca mu kanwa kenu ine nali-ilama ku nshila ya fipondo.+
5 Lekeni intampulo shandi shibe fye mu nshila shenu,+Umo inkasa shandi shishakafumemo.+
6 Nkuuta kuli imwe, pantu mukanjasuka, mwe Lesa.+Teyamikeni ukutwi kwenu kuli ine. Umfweni ifyo ndesosa.+
7 Citeni imilimo yenu iya cikuuku ibe iya kupapusha,+ mwe bapususha abafwaya icuboKu bapondokela ukuboko kwenu ukwa ku kulyo.+
8 Nsungeni nge mboni ya linso,+Mumfise mu cintelelwe ca mapindo yenu,+
9 Pa mulandu wa babifi abanjimina.Abalwani abafwaya umweo wandi balepalaminako fye kuli ine.+
10 Baiisalila mu mafuta yabo;+Ku kanwa kabo balanda ifya matutumuko;+
11 Awe nabatushinga, tatukwete no kwa kuya;+Batonta amenso yabo pali ifwe pa kutila batuwishe pa nshi.+
12 Cila muntu aba nge nkalamo iifwaisha ukusantaula+Kabili ngo musepela wa nkalamo uuli umwafisama.
13 Imeni, mwe Yehova; mukumanyeni;+Lengeni akontame; pokolweleni umweo wandi ku mubifi ku lupanga lwenu,+
14 Ku kuboko kwenu, mwe Yehova, mpokololeni ku bantu,+Ku bantu ba nkulo+ ino, abasakamana fye ifya mikalile ino,+Kabili abo mu nda shabo mwisushamo icuma cenu icafiswa,+Abakwatisha abana baume+Kabili ababikila abana babo ico bashako.+
15 Lelo ine, mu bulungami nkamona icinso cenu;+Nkateka umutima ilyo nashibuka ku kumona icata cenu.+
