Amalumbo 40:1-17

Ku ng’omba nkalamba. Ulwimbo lwa kwa Davidi. 40  Ukulolela nalolelele Yehova,+Na o ateyamike ukutwi kwakwe kuli ine no kumfwa inkuuta yandi.+   Kabili amfumishe mu cilindi umupooma amenshi,+Ukumfumya mu matipa ya lutikiti.+E lyo aimishe inkasa shandi no kushiteka pa cilibwe icasumbuka;+Apampamike intampulo shandi.+   Kabili, abikile ulwimbo lupya mu kanwa kandi,Ulwa kulumbanya Lesa wesu.+Abengi bakamona kabili bakatiina,+No kutetekela Yehova.+   Alipaalwa umuntu uwacita Yehova ica kutetekelako cakwe+Kabili uushalosha icinso cakwe ku bantu abatalama,Nelyo ku baalukila ku bufi.+   Ifyo mwacita fingi,+Mwe Yehova Lesa wandi, imilimo yenu iyapesha amano na matontonkanyo yenu kuli ifwe na fyo fingi;+Takuli uwingalingana na imwe.+Nga nali no kulanda no kusosa pali ifi fintu,Fyalifulisha ica kutila te kuti mfipende.+   Ilambo no mutuulo tamwafitemenwe;+Mwakomwene amatwi yandi.+Tamwalombele umutuulo wa koca no mutuulo wa pa lubembu.+   Ni pali ici nasosele nati: “Moneni naisa,+Filya Amalembo* yalanda pali ine.+   Ku kucita ukufwaya kwenu, mwe Lesa wandi, e ko natemwa,+Na mafunde yenu yaba mu mutima wandi.+   Nalishimika ilyashi lisuma ilya bulungami mu kati ka lukuta ulukalamba.+Moneni! Nshilesha imilomo yandi.+Imwe mwe Yehova, mwalishiba bwino ulwa ici.+ 10  Ubulungami bwenu nshabufisa mu kati ka mutima wandi.+Icishinka cenu no kupususha kwenu nalibila.+Nshafisa icikuuku cenu ne cine cenu mu lukuta ulukalamba.”+ 11  Mwe Yehova, shi mwintana inkumbu shenu.+Lekeni icikuuku cenu ne cishinka cenu fininde pe.+ 12  Pantu amacushi yalimfulile ica kuti nafilwa no kuyapenda.+Imembu shandi shalifulile ica kuti nafilwa no kumona;+Shafulile ukucila umushishi wa ku mutwe wandi,+No mutima wandi walinshiile.+ 13  Mwe Yehova, sekeleleni mu kumpokolola.+Angufyanyeni ukungafwa, mwe Yehova.+ 14  Lekeni bomfwe insoni kabili baseebane bonse+Abalefwaya ukulofya umweo wandi.+Nabaluluke no kuseebana abalesekelela pa bubi ubwamponena.+ 15  Lekeni batulumune amenso pa kupeshiwa amano pa mulandu wa nsoni shabo+Abaleti kuli ine: “Te apa nomba!”+ 16  Lekeni baange no kusekelela muli imwe,+Bonse abamufwaya.+Lekeni abatemwa ukupususha kwenu balesosa abati:+“Acindikwe Yehova.”+ 17  Lelo ine nalicula kabili ndi mupiina.+Yehova alantontonkanyapo.+Ni mwe kaafwa wandi kabili Uwa kumpususha.+Mwe Lesa wandi, mwikokola.+

Amafutunoti

Mu ciHebere apa pali “Amalembo” paba ati “ibuuku ilyapombwa.”