Isaias 61:1-11
61 Walad siak so espiritu na Soberanon Katawan a Jehova,+Ta nilanaan ak nen Jehova a mangiyabawag na maong a balita ed saray mauyamo.+
Imbaki to ak pian bedberan iramay asugatan a puso,Pian iyabawag so kibulos ed saray naaripenTan kilukas na kamataan ed saray nipriso,+
2 Pian iyabawag so taon na kaabigay-linawa* nen JehovaTan say agew na panangibales na Dios tayo,+Pian naligliwa so amin a maneermen,+
3 Pian taryaan ko iray maneermen ed Sion,Pian naikdan ira na sakbong na ulo imbes a dapol,Say larak na panliliket imbes a paneermen,Say kawes a kirayewan imbes a maer-ermen ya espiritu.
Tan natawag iran angkakabaleg a kiew na inkatunong,Say intanem nen Jehova, pian sikatoy nigloria.*+
4 Apigeren da iray abayag lan aderal a pasen;Ipaalagey da iray pasen ya agnapanayaman nensaman,+Tan apigeren da iray aderal a syudad,+Saray pasen ya agpanaayaman ed dakel lan henerasyon.+
5 “Onsabi iray dayo tan pastolan da iray pulok yo,Tan saray dayo+ so magmaliw a dumaralus yo tan manag-asikaso na kaubasan yo.+
6 Tan natawag kayon saray saserdote nen Jehova;+Tawagen da kayon saray lingkor na Dios tayo.
Kanen yo iray kaykayarian na saray nasyon,+Tan manpasirayew kayo lapud gloria* da.
7 Imbes a kababaingan et doble so awaten yon kayarian,Tan imbes a kabandayan et oneyag ira ed liket lapud apag da.
On, doble so awaten dan kayarian diad dalin da.+
Niwalad sikara so andi-anggaan a panliket.+
8 Ta siak, si Jehova, et inarok so inkahustisya;+Kabusol koy panagtakew tan ag-inkatunong.+
Matoor kon iter ed sikara so upa ra,Tan manggawa ak na andi-anggaan a pisisipanan ed sikara.+
9 Saray ilalak* da et magmaliw a bantog ed saray nasyon,+Tan saray poli da et magmaliw a bantog ed saray totoo.
Nabidbir ira na amin a makanengneng ed sikara,A sikara so ilalak* a benendisyonan nen Jehova.”+
10 Manliket ak a maong ed si Jehova.
Manggayaga ak* ed Dios ko.+
Ta kinawesan to ak na kililiktar;+Nilatopan to ak na kawes* na inkatunong,Singa nobyon akasulong na turbante a kaparparay turbante na saserdote,+Tan singa nobya ya akasulong na saray parakep to.
11 Ta no panon a papatuboen na dalin so bukelTan no panon a papatuboen na hardin iray nitanem ditan,Patuboen met na Soberanon Katawan a JehovaSo inkatunong+ tan say kirayewan+ diad arap na amin a nasyon.
Paimanod leksab
^ Odino “pabor.”
^ Odino “naparakep.”
^ Odino “kaykayamanan.”
^ Literal, “bini.”
^ Literal, “bini.”
^ Odino “so kamarerwak.”
^ Odino “andiay-taklay a latop.”
