Isaias 47:1-15
47 Leksab ka tan yurong kad dabok,O birhen ya anak a bii na Babilonia.+
Lespak kad dalin ya anggapoy trono,+O anak a bii na saray Caldeo,Ta saray totoo et agda ka lan balot tawagen a masimpit tan lanang a napapagustoan.
2 Mangala kay gilingan tan manggiling kay arina.
Ekal moy pandong mo.
Ekal moy sapey mo, ipaway moy bikking mo.
Baliw ka ed saray ilog.
3 Niparungtal so inkalakseb mo.
Nanengneng so kababaingan mo.
Ombales ak,+ tan anggapoy toon makaamper ed siak.*
4 “Say manondon ed sikatayo—Say ngaran to et Jehova na saray armada—Et say Masanton Dios na Israel.”+
5 Yurong ka ditan ya agka oneesel tan la kad kabilungetan,O sikan anak a bii na saray Caldeo;+Agda ka la tawagen a Katawan a Bii* na Saray Panarian.+
6 Sinmanok ak ed totook.+
Pinabanday ko so tawir ko,+Tan inyawat ko rad limam.+
Balet agmo ra kinasian.+
Impasakbat moy ambelat a pako anggan ed saray masiken.+
7 Inkuan mo: “Siak so Katawan a Bii* ed amin a panaon, on, diad andi-anggaan.”+
Agmo impapuso irayan bengatla;Agmo ninonot so pansumpalan na satan.
8 Natan et dengel mo iya, O sikan maaro ed liket,+Sikan maligen a manyudyurong, a mangibabaga ed sarili to:
“Siak, tan anggapo lay arum.+
Agak nabalo.
Agkon balot nasali so naandiay anak.”+
9 Balet biglan onsabi ed sika iyan duaran bengatla, diad sakey agew:+
Naandian kay ananak tan nabalo ka.
Nagawa irayan amin ed sika,+Lapud* karakel na gagawaen mon panagsalamangka tan amin a mabiskeg a mahikom.+
10 Nanmatalek kad inkauges mo.
Inkuan mo: “Anggapoy makakanengneng ed siak.”
Say karunongan tan pikakabat mo so angibalang ed sika,Tan ibabagam ed sarilim: “Siak labat, tan anggapo lay arum.”
11 Balet onsabi ed sika so kadederal,Tan anggapod saray anting-anting mo so makaamper ed satan.*
Onsabi ed sika so kairapan; agmo iya napaliisan.
Biglan onsabi ed sika so kadederal ya agmo nin balot asali.+
12 Ituloy mo sirin ya usaren so panagmahikom tan dakerakel a panagsalamangkam,+A nansagpotan mo manlapu lad kaugawan mo.
Agla pigan nagunggonaan ka;Agla pigan nikelawan iray totoo ed sika.
13 Naksawan ka lad karakel na mananimbawam.
Onalagey ira komon, tan iliktar da ka natan,Saramay mandadayew ed katawenan,* saray onnenengneng ed bibitewen,+Saramay mangiiter na kakabatan ed kada balon bulanNipaakar ed saray nagawa ed sika.
14 Singa ra dayami.
Napoolan ira.
Agda niliktar so sarili ra* ed pakayari na apoy.
Aliwa irayan ngalab a pampapetangan,Tan aliwa iyan apoy a pandangdangan.
15 Ontan so pagmaliwan na saray managsalamangkam,A nansagpotan mo manlapu lad kaugawan mo.
Manteyengteyeng ira, kada sakey ed dili ton direksion.*
Anggapon balot so mangiliktar ed sika.+
Paimanod leksab
^ Odino posiblin, “tan agko kasian so siopaman a nasabat ko.”
^ Odino “tawagen a Reyna.”
^ Odino “so Reyna.”
^ Odino posiblin, “Anggaman ed.”
^ Odino “Tan agmo amta no panon mon amperen itan ed panamegley na anting-anting mo.”
^ Odino posiblin, “Saramay mangaapag na katawenan; Saray astrologo.”
^ Odino “kamarerwa ra.”
^ Literal, “ed dili ton rehyon.”
