Isaias 1:1-31
1 Say pasingawey ya anengneng nen Isaias*+ ya anak nen Amoz nipaakar ed Juda tan Jerusalem diad panaon nen Uzias,+ Jotam,+ Ahaz,+ tan si Hezekias,+ ya arari na Juda:+
2 Dengel ka, O tawen, tan ontan met ed sika, O dalin,+Ta inkuan nen Jehova:
“Amabaleg ak na saray ananak,+Balet nanrebelde rad siak.+
3 Amta na baka imay angaliw ed sikato,Tan amta na asno so kuwadra a ginaway akankien ed sikato;Balet say Israel et agto ak kabat,*+Say dilin totook et andiay pakatalos.”
4 Pakaskasi iyan makasalanan a nasyon,+Say totoon napno na kasalanan,Sakey a poli na mauges a totoo, ananak a manggagaway mauges!
Tinaynan da si Jehova;+Agda nirespeto so Masanton Dios na Israel;Sikatoy imbeneg da.
5 Iner ni so nayarin pamekpekan ed sika, legan mon aaruman so panrerebeldem?+Asugatsugat lay interon ulom,
Tan mansasakit lay interon pusom.+
6 Manlapud dapan ya anggad ulo et anggapoy nanengneng a limpio.
Wala ray salger tan larag a binmebetag tan sugasugat—Ag-iratan atambal* odino abedberan odino apuyokan na larak.+
7 Ataynanan so dalin yo.
Apoolan iray syudad yo.
Uupoten na saray dayo so bunga na dalin yo diad mismon arapan yo.+
Singa itan dalin ya agnapanayaman kayarin dineral na saray dayo.+
8 Say anak a bii na Sion et ataynanan a singa sakey a siroman* ed kaubasan,Singa alolong ed taneman na pipino,Singa syudad a sasakopen.+
9 No si Jehova na saray armada et ag-angiliktar na pigara ed sikatayo,Nagmaliw itayo lan singa Sodoma,Tan mipadpara itayo lad Gomorra.+
10 Dengel yoy salita nen Jehova, sikayo ran diktador* ed Sodoma.+
Imano yoy ganggan* na Dios tayo, sikayo ran totoo na Gomorra.+
11 “Antoy nagunggonak ed dakerakel iran bagat yo?”+ so inkuan nen Jehova.
“Sinmawa ak la ed saray apay yon popoolan a kalakian a karnero+ tan say taba na matataban ayayep,+Tan agla makapaliket ed siak iray dala+ na saray kilaw a kalakian a baka+ tan kordero tan kanding.+
12 Sano onloob kayo pian onarap ed siak,+Siopay angiganggan ed sikayo,Pian gatin-gatinan yo iray sular na templok?+
13 Agkayo la mangiyaapay na saray andi-kakanaan ya apay a kakanen.
Say insenso yo et makapadimla ed siak.+
Say panseselebra yo ed balon bulan+ tan sabaton,+ tan saray iyuuksoy yon pandaragup+—Agko nitepel so panguusar yoy mahiko+ ed ontan iran sagradon pantitipon.
14 Kabusol ko* so panseselebra yod saray balon bulan tan saray piesta yo.
Nagmaliw iratan a makapabelat ed siak;Naksawan ak lan mangitetepel ed saratan.
15 Tan sano iyunat yod siak iray lima yo,Agta kayo nengnengen.+
Anggano dakerakel so pikakasi yo,+Agko dedengelen iratan;+Saray lima yo et napnoy dala.+
16 Urasan yoy inkasikayo, magmaliw kayon malinis;+Ekal yo iray mauges a kagagawa yo;Tunda kayo lan manggaway mauges.+
17 Aral yoy manggawa na maabig, ikana yoy inkahustisya,+Ipetek yo so managpairap,Idepensa yo iray kanepegan na ugaw ya ulilad ama,*Tan iyagel yo so abalon bii.”+
18 “Dago kayo natan, tan pantongtongan tayo ray kaukolan ya ipetek ed baetan tayo,” so inkuan nen Jehova.+
“Anggano saray kasalanan yo et ambalbalanga,Napaputi iratan a singa niebe;+Anggano singa iratan ambalbalangan abel,Magmaliw iratan a singa bagoy karnero.
19 No mabulos kayon ondengel,Kanen yo iray maabig a bengatla ed dalin.+
20 Balet no agkayo ondengel tan manrebelde kayo,Akmonen kayo na espada,+Ta saya so inkuan a mismo nen Jehova.”
21 Agayla, nagmaliw ya imoral a bii+ so matoor a syudad!+
Iiter toy hustisya nensaman;+Walad sikato so inkatunong,+Balet natan et saray managpatey.+
22 Say pilak mo et nagmaliw lan dutak,+Tan say serbesam* et alaokan lay danum.
23 Saray prinsipem et benger tan kaiba na matatakew.+
Labalabay dan amin so mangawat na pasuksok tan onkerew na regalo.+
Agda iiter so hustisya ed ulilad ama,*Tan agbalot makakasabi ed sikara so kaso ya insegep na sakey ya abalon bii.+
24 Kanian oniay imbalikas na tuan Katawan, si Jehova na saray armada,Say Makapanyarin Dios na Israel:
“Paandien ko iray kalaban ko,Tan ombales ak ed saray mamubusol ed siak.+
25 Dusaen ta ka,Ekalan ta kay dutak* a singa panaglinis ya usaran na sabon,Tan ekalan ta kay amin a dutak.+
26 Ipawil ko lamet iray uko-ukom mo a singa diad gapo,Tan saray mananimbawam a singa nen inmuna.+
Kayari na saya et natawag kan Syudad na Inkatunong, Matoor a Baley.+
27 Diad inkahustisya et narondon so Sion,+Tan diad inkatunong et narondon met iray ompapawil a totoo to.
28 Maminpinsan a naderal iray rebelde tan saray makasalanan,+Tan mangangga iramay manataynan ed si Jehova.+
29 Ta nabaingan ira lapud saray angkabaleg a kiew a pipilaleken yo,+Tan napabanday kayo lapud saray hardin* a pinili yo.+
30 Ta magmaliw kayon singa baleg a kiew a nalelenes iray bulong to,+Tan singa hardin ya amagaan.
31 Say mabiskeg a laki et magmaliw a singa lubir,*Tan say kimey to et magmaliw a singa dangat;Bansag iratan ya onliob,Ya anggapoy makapangerep.”
Paimanod leksab
^ Kabaliksan toy “Panangiliktar nen Jehova.”
^ Odino “agto kabat so katawan to.”
^ Literal, “apespes.”
^ Odino “ya alolong.”
^ Odino “manuley.”
^ Odino “bilin.”
^ Odino “Kabusol na kamarerwak.”
^ Odino “na ulila.”
^ Odino “serbesam a nanlapud trigo.”
^ Odino “ed saray ulila.”
^ Saya so dutak ya ompapaway kayarin tunawen so metal.
^ Mapatnag a saraya so kiew tan hardin ya uusaren ed panagdayew ed idolo.
^ Singa lubir a mainomay a napoolan.
