Isaias 28:1-29

  • Pakaskasi la ray buanges ed Efraim! (1-6)

  • Mantugingging iray saserdote tan propeta na Juda (7-13)

  • “Akisipanan kami ed Patey” (14-22)

    • Mablin bato ed suyok diad Sion (16)

    • Nikadkaduman gawa nen Jehova (21)

  • Niyilustra so marunong a panagdisiplina nen Jehova (23-29)

28  Pakaskasi la so mapangta* a korona* na saray buanges ed Efraim+Tan say nalelenes a rosas na maglorian karakpan to,A walad tagey na mabunan lawak a panaayaman na saramay abuek na alak!   Walay sakey a maksil tan mabiskeg ya ibaki nen Jehova. Singa maksil ya uran a kristal ya atekepan na karol, sakey a makaderal a bagyo,Singa maksil a bagyon panlapuan na maksil ya agus na delap,Ibasileng to itan ed dalin.   Saray mapangta* a korona na saray buanges ed EfraimEt nigatin-gatin.+   Tan say nalelenes a rosas na maglorian karakpan to,A walad tagey na mabunan patar,Et magmaliw a singa say unonan bunga na igos antis na tiagew. Sano walay makanengneng ed satan, burboren to itan tan akmonen ton tampol.  Diad satan ya agew, si Jehova na saray armada et magmaliw a singa maglorian korona tan singa marakdakep a rosas a korona parad saramay akeran totoo to.+  Tan ikdan to na espiritu na inkahustisya imay akayurong a mangukom, tan ikdan to na biskeg iramay mangidedepensa ed puerta sano onlusob iray kakabusol.+   Tan agda amtay arap-arapen da lapud alak;Mantugingging ira lapud de-alkohol ya iinumen. Ag-amta na saserdote tan propeta so arap-arapen da lapud de-alkohol ya iinumen;Nawetwet ira lapud alak,Tan mantugingging ira lapud de-alkohol ya iinumen;Nabalang ira lapud nanenengneng da,Tan pikewet lay panagdesisyon da.+   Ta saray lamisaan da et napnoy makapadimlan uta—Amin a pasen et walay uta.   Siopay ibangat pian nawalaay kakabatan,Tan siopay pangipaliwawaan ed mensahe? Kasin saray ugugaw ya agano nin pinakso ed gatas,Saray agano nin pinakso ed pansususo? 10  Ta saya et “ganggan kayari ganggan, ganggan kayari ganggan,Linya por linya, linya por linya,*+Daiset dia, daiset diman.” 11  Kanian usaren to ray ata-atan mansalita* a sananey so lenguahe ra pian mitongtong ed sarayan totoo.+ 12  Aminsan et inkuan tod sikara: “Saya so pasen a pampainawaan. Pampainawa yoy naksawan; saya so pasen a pakainawaan,” balet agda labay so ondengel.+ 13  Kanian diad sikara, say salita nen Jehova et magmaliw a: “Ganggan kayari ganggan, ganggan kayari ganggan,Linya por linya, linya por linya,*+Daiset dia, daiset diman,” Kanian sano manakar ira,Sikaray natumba tan nabalintuag,Tan napiley tan napatitan tan naerel.+ 14  Kanian dengel yoy salita nen Jehova, sikayo ran malalastog,Sikayo ran manuuley ed sarayan totoo ed Jerusalem, 15  Lapud inkuan yo: “Akisipanan kami ed Patey,+Tan akipaknaan kami ed* Lubok.* Sano ondalan so delap a mapmaples ya onaagus, Ag-itan makasabi ed sikami,Ta ginawa min salimbengan so tilaTan inmamot kamid katilaan.”+ 16  Kanian oniay imbaga na Soberanon Katawan a Jehova: “Mangiletneg ak na sakey a bato bilang pundasyon na Sion, sakey ya asubok lan bato,+Say mablin bato ed suyok+ diad sakey a malet a pundasyon.+ Ag-ontakot so siopaman a mangipapatnag na pananisia.+ 17  Tan say inkahustisya et gawaen kon lubir a panagsukat+Tan say inkatunong bilang nibil.*+ Iyagus na uran a kristal so salimbengan a napnoy tila,Tan nadelap imay mismon amotan. 18  Naandi so impisipanan yo ed Patey,Tan agmansiansia so impipaknaan yod Lubok.*+ Sano ondalan so delap a mapmaples ya onaagus,Naderal kayo. 19  Diad kada idalan na satan,Niagus kayo,+Ta kinabuasan itan ya ondalan,Diad agew tan labi. Lapud takot et natalosan da imay nadngelan da.”* 20  Ta antiktikey so dukolan kanian agmakaunat ditan so sakey,Tan melmelag so ules kanian ag-itan nikubot. 21  Ta onalagey si Jehova a singa diad Palandey Perazim,Sikatoy onkiwas a singa diad lawak* ya asingger ed Gibeon,+Pian gawaen toy kimey ton makapakelkelaw,Tan sumpalen toy gawa ton nikadkaduma.+ 22  Kanian agyo itan ipapasen a lurey,+Pian aglalon onelet iray akabalor ed sikayo,Ta nadngel ko ed Soberanon Katawan a Jehova na saray armada,A say interon dalin et asentensiaan la pian naderal.+ 23  Dengel kayo tan talineng yoy boses ko;Imanoen tan talineng yoy ibagak. 24  Wala tay dumaralus a manbaka labat so gawaen to balet ta agto itanem iray bini? Kasin itultuloy to labat a bukalkalen tan sagaran so dalin to?+ 25  Kayari ton naplasta so dalin,Agta isibwag to lay bukel na andeket a kumino pian nitanem to la so kumino,Tan agta itanem to lay trigo, milit,* tan say sebada diad saray pasen da,Tan say espelta+ diad saray gilig? 26  Ta sikatoy ibangat* To ed dugan dalan;Say Dios to so mangibangat ed sikato.+ 27  Ta say andeket a kumino et agtemeken ed kagawaan a panag-ilik,+Tan say kumino et agpadalanan na dalig na kariton. Imbes, pekpek so pampaspas ed andeket a kumino,Tan baston so pampaspas ed kumino. 28  Kasin mekmeken na sakey a too so ilik a gawaen ton tinapay? Andi, agto itan itultuloy ya iliken.+Tan sano padalanan to itan na dalig na kariton to ya iguguyor na saray kabayo to,Agto itan mekmeken.+ 29  Onia met so manlapud si Jehova na saray armada,A makapakelkelaw so simbawa* to,Tan makapadinayew iray agawaan to.*+

Paimanod leksab

Odino “mapaatagey; mapasirayew.”
Mapatnag a manutukoy ed kabiseran syudad, say Samaria.
Odino “mapaatagey; mapasirayew.”
Odino “Lubir a panagsukat ed lubir a panagsukat, lubir a panagsukat ed lubir a panagsukat.”
Literal, “bibil.”
Odino “Lubir a panagsukat ed lubir a panagsukat, lubir a panagsukat ed lubir a panagsukat.”
Odino posiblin, “amawala kami na pasingawey a kaiba so.”
Odino “Sheol,” salanti, say lubok na katooan. Nengnengen so Glosaryo.
Odino “patawin.”
Odino “Sheol,” salanti, say lubok na katooan. Nengnengen so Glosaryo.
Odino posiblin, “Sano natalosan da, ontakot iran maong.”
Odino “abeban patar.”
Sakey a klase na dika a walaan na angkekelag a bukel ya uusaren diad panggaway tinapay. Diad Ingles et millet.
Odino “disiplinaen; dusaen.”
Odino “gagala.”
Odino “Tan makapadinayew so makanan karunongan to.”