Isaias 60:1-22
60 “Alagey ka, O bii,+ isindag moy liwawa, ta pinmatnag so liwawam.
Nisindag ed sika so gloria nen Jehova.+
2 Ta nasakbongan na kabilungetan so dalinTan makapal a bilunget iray nasyon;Balet onsindag ed sika si Jehova,Tan napatnagan ed sika so gloria to.
3 Onlad liwawam iray nasyon,+Tan ed masnag a karakpan mo* iray arari.+
4 Nengneng kad kaliberliber mo!
Atipon la ran amin; ondadago la rad sika.
Onsasabi iray anak mon lalaki manlapud arawi,+Pati saray anak mon bibii a sankaeba.+
5 Diad satan a panaon et nanengneng mo tan onligsa so lupam,+Tan manliket tan napano na gayaga so pusom,Lapud ipaarap ed sika iray kayamanan na dayat;Onlad sika iray kaykayarian na saray nasyon.+
6 Onsakbong ed dalin mo* iray dakerakel a kamelyo,Saray kalakian a kamelyo ed Midian tan Efa.+
Onsabin amin iramay nanlapud Sheba;Mangawit ira na balitok tan olibano.
Iyabawag da iray panangidayew ed si Jehova.+
7 Natipon ed sika so amin a pulok ed Kedar.+
Manlingkor ed sika iray kalakian a karnero ed Nebaiot.+
Onla rad altar ko tan awaten ko ra,+Tan parakepen ko so maglorian abung ko.*+
8 Siopa irayay ontitikyab a singa saray lurem,Singa saray malapati ya onaarap ed saray ubong da?*
9 Ta manilalo ed siak iray isla;+Saray barko na Tarsis so manunaan,*Pian iyakar da iray anak mo manlapud arawi,+Pati saray pilak tan balitok da,Parad ngaran nen Jehova a Dios mo tan ed Masanton Dios na Israel,Ta igloria* to ka.+
10 Ipaalagey na saray dayo iray padir mo,Tan manlingkor ed sika iray arari da,+Ta dinusa ta ka lapud sanok ko,Balet kasian ta ka lapud pabor ko.*+
11 Mansiansian akalukas iray puertam;+Agew-labi ya ag-iratan ikapot,Pian niyakar ed sika iray kaykayarian na saray nasyon,Tan saray arari da so mangidaulo.+
12 Ta naandi so dinanman a nasyon tan panarian ya agmanlingkor ed sika,Tan sigpot a naderal iray nasyon.+
13 Onlad sika so gloria na Lebanon,+Pati kiew ya enebro, fresno, tan sipres,+Pian naparakep so pasen na santuaryok;Igloriak so pasen a kawalaan na saray salik.+
14 Onlad sika iray ananak na saramay amairap ed sika tan ondakmomo rad arapan mo;Ondakmomo ed salian mo so amin ya agmanrerespeto ed sika,Tan tawagen da kan say syudad nen Jehova,Say Sion na Masanton Dios na Israel.+
15 Imbes a sakey kan tinaynanan tan binusol, ya agdadalanen na anggan siopa,+Gawaen ta kan sengegay agmanganggan pampasirayew,Sakey a lapuan na panliket diad amin a henerasyon.+
16 Tan inumen mo so gatas na saray nasyon,+Onsuso kad pagew na saray arari;+Tan naamtaan mo a siak, si Jehova, so Manangiliktar mo,
Tan say Makapanyarin Dios nen Jacob so Mananondon mo.+
17 Mangiyakar ak na balitok imbes a gansa,Tan mangiyakar ak na pilak imbes a balatyang,Gansa imbes a kiew,Tan balatyang imbes a bato;Tan turoen ko so kareenan bilang manangasikasomTan say inkatunong bilang manangipabtang na kimey mo.+
18 Anggapo lay narengelan a karuksaan diad dalin moOdino panagderal tan panaggeba ed loob na saray ketegan mo.+
Tan tawagen mon Kilalaban iray padir mo+ tan tawagen mon Kirayewan iray puertam.
19 Aliwa lan say agew so liwawam no agew,Tan agka la liwawaan na sinag na bulan,Ta si Jehova so magmaliw a liwawam ed andi-anggaan,+Tan say Dios mo so magmaliw a karakpan mo.+
20 Agla onselek so agew mo,Odino onkuyep so bulan mo,Ta si Jehova so magmaliw a liwawam ed andi-anggaan,+Tan mangangga la iray agew na paneermen mo.+
21 Tan magmaliw a matunong so amin a totoom;Kayarianen da so dalin diad andi-anggaan.
Sikara so simit ya intanem ko,Say kimey na saray limak+ pian naparakep ak.+
22 Say daiset et magmaliw a sanliboTan say melag et magmaliw a mabiskeg a nasyon.
Siak a mismo, si Jehova, so mamapeles ed saya diad mismon panaon to.”
