Isaias 25:1-12
25 O Jehova, sika so Dios ko.
Itandoro ta ka, idayew koy ngaran mo,Ta nanggawa kay makapakelaw iran bengatla,+Saray bengatlan inggagalam* manlapu la nensaman,+Diad inkamatoor+ tan inkanapanmatalkan.
2 Ta ginawam a bunton na bato so sakey a syudad,Ginawam ya aluslusbon geray so sakey a mabiskeg a baley.
Say tori na dayo et aliwa lan syudad;Aglan balot itan nipaalagey.
3 Kanian igloria ka na mabibiskeg a totoo;Ontakot ed sika so syudad na saray maruksan nasyon.+
4 Ta nagmaliw kan amotan na saray pakaskasi,Amotan na saray pobri a naeermenan,+Salimbengan no bagyo,Tan siroman ed petang na agew.+
Sano say sanok na saray maruksan manuley et singa bagyon ombabasig ed padir,
5 Singa petang ed amagaan a dalin,Patundaen mo so ingal na saray dayon totoo.
Singa petang a pinakepa na sirom na lurem,Ontunda met so kansion na saray maruksan manuley.
6 Diad sayan palandey,+ iparaanan nen Jehova na saray armada so amin a totooNa sakey a ponsia a sankananaman iray kakanen,+Sakey a ponsia a walay maabig iran alak,*Sankananaman iray kakanen a napnoy utek,Tan maabig tan asapit iray alak.
7 Diad sayan palandey et paandien* to so abel a manasakbong ed amin a totoo,Tan say sakbong* a mamabalkot ed amin a nasyon.
8 Akmonen* to so patey ya anggad angga,+Tan punasen na Soberanon Katawan a Jehova iray lua ed amin a kalupaan.+
Ekalen tod interon dalin so kabalawan na totoo to,Ta si Jehova a mismo so angibaga.
9 Diad satan ya agew et ibaga ra:
“Saya so Dios tayo!+
Nanilalo itayo ed sikato,+Tan iliktar to itayo.+
Saya et si Jehova!
Nanilalo itayo ed sikato.
Manliket tan manggayaga itayo ed panangiliktar to.”+
10 Ta deralen nen Jehova iyan palandey,+Tan nigatin-gatin so Moab ed pasen to+A singa dayami ya inggatin-gatin diad bunton na tai na ayep.
11 Ikampay to iray lima to ed satan a pasenA singa pangikakampay na managlangoy ed saray lima to sano onlalangoy,Tan iyabeba to so inkamapaatagey na satan+Diad panamegley na marundunong a galaw na saray lima to.
12 Tan say apadiran a syudad, a walaay ataragey a padir a pinagkaproteksion to,Et igeba to;Itumba tod dalin, anggad dabok.
Paimanod leksab
^ Odino “Saray simbawam.”
^ Odino “walay alak ya abayag lan pinaikneng.”
^ Literal, “akmonen.”
^ Odino “sanib.”
^ Odino “Paandien.”
