Lisamu 39:1-13
Ku muzamaisi wa lipina; wa Jedutuni.*+ Samu ya Davida.
39 Neniize: “Nikatokomela mihato yakaKuli nisike naeza sibi ka lulimi lwaka.+
Nikatokomela mulomo waka ka kuuyaweka kayawa+Yamaswe hainzi fakaufi ni na.”
2 Nenisa buleli mi neniikuzelize;+Nenikuzize, nisabuleli nihaiba zende,Kono neniutwa butuku bobutuna.
3 Pilu yaka yatuka* mwa sifuba saka.
Hane ninahanisisa,* mulilo neuzwelapili kutuka.
Mi cwale lulimi lwaka lwabulela, lwali:
4 “Mawe Jehova, unituse kuziba mafelelezo aka,Ni butelele bwa mazazi aka,+Kuli nizibe kuli bupilo bwaka ki bobukuswani hakuma kai.
5 Kaniti uezize mazazi aka kuba amakuswani feela;+Mi butelele bwa bupilo bwaka haki sesiñwi ku wena.+
Kaniti mutu kaufela ni kwaka bonahala kuba mwa buiketo, uswana feela sina moya obululwa.+ (Selah)
6 Kaniti mutu kaufela uzamaya sina mouzamaela muluti.
Ufutoka* kusatusi sesiñwi.
Ukubukanya bufumu, asazibi babaka ikola bona.+
7 Cwalehe, nikasepañi, Jehova?
Nisepile feela wena.
8 Unipilise kwa lifoso zaka kaufela.+
Usike walumeleza sikuba kuli sinisheunune.
9 Neni sika bulela sesiñwi;Neni sika atumulusa mulomo waka,+Kakuli ki wena yaezize cwalo.+
10 Uzwise koto yahao ku na.
Nibotehile kakuli lizoho lahao laninata.
11 Uhakulula mutu ka kumufa koto bakeñisa bufosi bwahae;+Usinya lika zahae za butokwa sina moliezezanga lifele.
Kaniti mutu kaufela ki moya feela obululwa.+ (Selah)
12 Uutwe tapelo yaka, wena Jehova,Uteeleze kwa muhuwo waka wa kukupa tuso.+
Usike waeza inge yasaboni miyoko yaka.
Kakuli ni muzwahule ku wena,+Muzamai yafita feela,* sina mokubezi ku bo kuku waka kaufela.+
13 Utuhele kunitalima ka buhali bwahao ilikuli ni angulukelweNisika timela kale ni kuba siyo.”
