Lisamu 111:1-10
111 Mulumbeke Jah!*+
א [Aleph]
Nikalumbeka Jehova ka pilu yaka kaufela+ב [Beth]Mwa sikwata sesikopani hamoho sa babanani niti, ni mwa puteho.
ג [Gimel]
2 Misebezi ya Jehova ki yemituna;+ד [Daleth]Ibatisiswa ki batu kaufela baba itabela.+
ה [He]
3 Misebezi yahae ipatulula kanya ni bunde,ו [Waw]Mi kuluka kwahae kuina kuya kuile.+
ז [Zayin]
4 Utahisa kuli misebezi yahae yekomokisa ihupulwe.+
ח [Heth]
Jehova unani mukekecima* ni makeke.+
ט [Teth]
5 Ufa lico baba musaba.+
י [Yod]
Ukahupula tumelelano yahae kuya kuile.+
כ [Kaph]
6 Upatululezi batu bahae misebezi yemaataל [Lamed]Ka kubafa saanda sa macaba.+
מ [Mem]
7 Misebezi ya mazoho ahae ibonahalisa niti ni katulo yelukile;+נ [Nun]Litaelo zahae kaufela zasepahala.+
ס [Samekh]
8 Ki zesepahala* kamita, cwale ni kuya kuile;ע [Ayin]Liezizwe ka niti ni ka kuluka.+
פ [Pe]
9 Uliuluzi batu bahae.+
צ [Tsade]
Ulaezi kuli tumelelano yahae iine kuya kuile.
ק [Qoph]
Libizo lahae ki lelikenile mi lasabisa.+
ר [Resh]
10 Kusaba Jehova ki ona makalelo a butali.+
ש [Sin]
Kaufela babamamela litaelo zahae babonisa kutwisiso yende.+
ת [Taw]
Milumbeko yahae iina kuya kuile.
