Lisamu 3:1-8
Samu ya Davida hanaasaba ku Abisalomi mwanaa hae.+
3 Wena Jehova, ki kabakalañi lila zaka haliatile hahulu cwana?+
Ki kabakalañi babañata haba nifetuhela?+
2 Babañata banibulela kuli:
“Mulimu haana kumupilisa.”+ (Selah)*
3 Kono wena Jehova, ki wena tebe yeenisileleza mwa maneku kaufela,+Ki wena kanya yaka+ mi ki Wena yanangukisa toho yaka.+
4 Nikahuweleza ku Jehova,Mi uka nialaba kuzwelela kwa lilundu lahae lelikenile.+ (Selah)
5 Nikapatama ni kulobala;Mi nikazuha inze nisilelelizwe,
Kakuli Jehova uzwelapili kunitusa.+
6 Hanisabi likiti-kiti za batuBabaiteekezi kunilwanisa mwa maneku kaufela.+
7 Yema, wena Jehova! Unipilise,+ wena Mulimu waka!
Kakuli ukanata lila zaka kaufela kwa mutahali;Ukaloba meeno a babamaswe.+
8 Kupilisa ki kwa Jehova.+
Ufuyola sicaba sahao. (Selah)
Litaluso ze kwatasi
^ Mubone Litaluso za Manzwi.
