Lisamu 52:1-9
Ku muzamaisi wa lipina. Masikili.* Samu ya Davida, muta Doege wa Muedomo naatile kuto bulelela Saule kuli Davida naaile kwa ndu ya Akimeleki.+
52 Uitumbelañi ka likezo zahao zemaswe, wena yamaata?+
Lilato la Mulimu lelisa feli liina lizazi kaufela.+
2 Lulimi lwahao, lolushengile inge mbeli,+Lulela zemaswe mi lueza ka bupumi.+
3 Ulata hahulu zemaswe kufita zende,Ulata hahulu kupuma kufita kubulela niti. (Selah)
4 Ulata linzwi kaufela leliholofaza,Wena lulimi lolunani bupumi!
5 Ka libaka leo, Mulimu uka kulutulula feela hañwi ni kukufeza;+Uka kupamula ni kukuhohololela kwande a tende yahao;+Uka kukumula mwa naha ya babapila.+ (Selah)
6 Babalukile bakabona taba yeo mi bakasaba,+Mi bakaseha yamaswe,+ bali:
7 “Ki yo mutu yanaasika sabela ku Mulimu,+Kono naasepile bufumu bwahae bobuñata+Mi naaitingile fa* milelo yahae yemaswe.”*
8 Kono na, nikaba sina kota ya olive ya matali amañata mwa ndu ya Mulimu;Nisepile lilato la Mulimu lelisa feli,+ kamita ni kuya kuile.
9 Nika kulumbeka kuya kuile kakuli uungile muhato;+Mwahalaa babasepahala bahao,Nikasepa libizo lahao,+ kakuli ki lelinde.
Litaluso ze kwatasi
^ Mubone Litaluso za Manzwi.
^ Kamba “naakundami kwa.”
^ Linzwi ka linzwi, “miinelo yemaswe yaatahisa.”
