Lisamu 68:1-35
Ku muzamaisi wa lipina. Samu ya Davida. Samu. Pina.
68 Mulimu ayeme, lila zahae lihasanywe,Mi baba mutoile babalehe fapilaa hae.+
2 Ubaleleke, sina musi moufukisezwanga ki moya;Sina bulota mobushengunukelanga fapilaa mulilo,Babamaswe ni bona bayunde cwalo fapilaa Mulimu.+
3 Kono babalukile batabe;+Batabe hahulu fapilaa Mulimu;Banyakalale.
4 Muopelele Mulimu; muopelele libizo lahae milumbeko.+
Muopelele Yena yafita mwa lihalaupa.
Libizo lahae ki Jah!*+ Mutabe fapilaa hae!
5 Ndatahe lindiala ni musilelezi* wa limbelwa+Ki Mulimu yainzi mwa sibaka sahae sesikenile.+
6 Mulimu ufa babainzi banosi ndu mwa kupila;+Ulukulula mapantiti ni kubapilisa mwa buiketo.+
Kono ba muñañatoho* bakapila mwa naha yeomile.+
7 Wena Mulimu, hane uetelezi* sicaba sahao,+Hane uzamaile mwa lihalaupa, (Selah)
8 Lifasi nelizikinyehile;+Lihalimu nelinelisize pula kabakala Mulimu;Sinai yo naazikinyehile kabakala Mulimu, yena Mulimu wa Isilaele.+
9 Neunelisize pula yeñata, wena Mulimu;Neutiisize sicaba* sahao sene sikatezi.
10 Nebapilile mwa mafulo ahao a litende;+Ka bunde bwahao, neufile mubotana zanaatokwa, wena Mulimu.
11 Jehova ufa taelo;Basali babashaela taba yende ki mpi yetuna.+
12 Malena ba limpi babaleha,+ babaleha!
Musali yasiyala kwa ndu uabelwa kuzehapilwe.+
13 Nihaike kuli mina baana nemulobala mwahalaa mililo ya mwa mafulo,*Kukaba ni mafufa a liiba aapesizwe silivera,A mitibelo ya gauda yekenile.*
14 Yamaata Kaufela hanaahasanyize malena ba naha,+Litwa lanela mwa Zalumoni.*
15 Lilundu la Bashani+ ki lilundu la Mulimu;*Lilundu la Bashani ki lilundu la lingo zeumbukile.
16 Mina malundu a lingo zeumbukile, mutalimelañi ka muna,Lilundu laketile* kuina ku lona Mulimu?+
Kaniti, Jehova ukaina ku lona kuya kuile.+
17 Likoloi za ndwa za Mulimu lieza likiti-kiti zeñata-ñata.+
Jehova uzwile kwa Sinai kutaha mwa sibaka sesikenile.+
18 Neukambamezi kwahalimu;+Neuisize bahapiwa;Neungile limpo zeli batu,+Nihaiba ba muñañatoho,+ kuli uine mwahalaa bona, wena Jah Mulimu.
19 Jehova alumbekwe, yena yalulwalela mulwalo waluna zazi ni zazi,+Yena Mulimu wa niti yalupilisa. (Selah)
20 Ku luna Mulimu wa niti ki Mulimu yapilisa;+Mi Jehova, yena Mulena Yapahami ka Kufitisisa, ki yena yalulamulela kwa lifu.+
21 Kaniti, Mulimu ukatuba litoho za lila zahae,Ukatuba katendele ka mutu kaufela yazwelapili* mwa bufosi bwahae.+
22 Jehova uize: “Nika bakutisa kuzwa kwa Bashani;+Nika bakutisa kuzwa kwa buliba bwa liwate,
23 Kuli lihutu lahao limbwambwame mwa mali+Mi malimi a linja zahao alwaze mali a lila.”
24 Baiponela silundwamanji sa batu bahao babazamaya hamoho, wena Mulimu,Silundwamanji sa batu ba Mulimu waka, yena Mulenaaka, sesikena mwa sibaka sesikenile.+
25 Baopeli bazamaya kwapili, balizi ba zelizwa za mihala bazamaya mwamulaho wabona;+Fahalaa bona kuzamaya likalibe zeliza tulupanyana.+
26 Mulumbeke Mulimu mwahalaa buñata bobukopani;*Mulumbeke Jehova, mina babazwa ku Musimululi wa Isilaele.+
27 Benjamine,+ yena ñomba, usweli wabakoma,Ni manduna ba Juda ni sicaba sabona sesililata,Manduna ba Zabuloni, manduna ba Nafetali.
28 Mulimu wahao ulaezi kuli wena ukatiya.
Hakubonise maata ahao, wena Mulimu, wena yalutusize.+
29 Kabakala tempele yahao mwa Jerusalema,+Malena baka kutiseza limpo.+
30 Ukalimele libatana ze mwa mataka,Mutapi wa lipoho+ ni manamani azona,Kufitela macaba akubama haatisa lishekele za silivera.
Kono yena uhasanya macaba aatabela lindwa.
31 Lika zepangilwe fa kopa yezwakilwe likatiswa kuzwa* kwa Egepita;+Kushi ukapakisa kufa Mulimu limpo.
32 Mina mibuso ya lifasi, muopelele Mulimu,+Muopelele Jehova milumbeko, (Selah)
33 Muopelele yena yazamaya mwa mahalimu a kwakale koo.+
Hamubone! Upalakata ka linzwi lahae, ka linzwi lahae lelimaata.
34 Mulumbe Mulimu kakuli unani maata.+
Bulena bwahae bufahalimwaa Isilaele,Mi maata ahae ainzi mwa mbyumbyulu.*
35 Mulimu wasabisa mwa sibaka sahae* sesikenile, sesikutekeha.+
Ki yena Mulimu wa Isilaele,Yena yatiisa sicaba sahae ni kusifa maata.+
Kulumbekwe Mulimu.
Litaluso ze kwatasi
^ “Jah” ki kupumela libizo la Jehova.
^ Linzwi ka linzwi, “muatuli.”
^ Kamba “baipanguli.”
^ Linzwi ka linzwi, “hane uitangetile kwapilaa.”
^ Linzwi ka linzwi, “saanda.”
^ Kamba mwendi, “mwa milaka ya lingu.”
^ Kamba “ya mubala wa butala bobukopani ni ñandatalukeke.”
^ Kamba “Nekuswana inge kuli mwa Zalumoni nekunelile litwa.”
^ Kamba “lilundu lelikateleha.”
^ Kamba “lalakaza.”
^ Kamba “yazamaya-zamaya.”
^ Linzwi ka linzwi, “fa mikopano.”
^ Kamba mwendi, “Lindumeleti likazwa.”
^ Linzwi ka linzwi, “malu.”
^ Linzwi ka linzwi, “sahao.”
