Lisamu 20:1-9
-
Kupiliswa kwa mulena yatozizwe ki Mulimu
-
Babañwi basepile likoloi ni lipizi, “kono luna lubiza fa libizo la Jehova” (7)
-
Ku muzamaisi wa lipina. Samu ya Davida.
20 Haike Jehova akualabe mwa lizazi la ziyezi.
Libizo la Mulimu wa Jakobo likusileleze.+
2 Haike akulumele tuso kuzwelela mwa sibaka sesikenile+Mi akutiise inzaa li mwa Sione.+
3 Ahupule linubu kaufela zeufile sina mpo;Nubu yahao ya kucisa aiamuhele ka kutabela. (Selah)
4 Akufe zeilakaza pilu yahao+Mi akutuse kukondisa milelo* yahao kaufela.
5 Lukahuweleza ka tabo kabakala likezo zahao za kupilisa;+Lukananula lisupo zaluna ka libizo la Mulimu waluna.+
Haike Jehova akufe zeukupa kaufela.
6 Cwale naziba kuli Jehova upilisa mutoziwa wahae.+
Umualaba inzaa li mwa mahalimu ahae akenileKa kumupilisa ka lizoho lahae la bulyo.+
7 Babañwi basepile likoloi mi babañwi basepile lipizi,+Kono luna lubiza fa libizo la Jehova Mulimu waluna.+
8 Bangandumukile mi bawile,Kono luna luyemi mi lukutezi mwa mayemo aluna.+
9 Wena Jehova, upilise mulena!+Uka lualaba mwa lizazi leluka kupa tuso.+
Litaluso ze kwatasi
^ Kamba “likelezo.”
