Lisamu 66:1-20
Ku muzamaisi wa lipina. Pina. Samu.
66 Muhuweleze ku Mulimu ka tabo, mina baba mwa lifasi kamukana.+
2 Muopelele libizo lahae lelikanya milumbeko.
Mumukanyise ka milumbeko.+
3 Mubulelele Mulimu, muli: “Misebezi yahao isabisa hahulu!+
Kabakala maata ahao amatuna,Lila zahao likasaba fapilaa hao.+
4 Lifasi kamukana lika kukubamela;+Baka kuopelela milumbeko;Bakaopelela libizo lahao milumbeko.”+(Selah)
5 Amutahe muto bona misebezi ya Mulimu.
Zaezelize bana ba batu zasabisa.+
6 Naafetuzi liwate kuba mubu oomile;+Nebasilile nuka ka mahutu.+
Teñi koo, nelutabile kabakala hae.+
7 Ubusa kuya kuile+ ka maata ahae.
Meeto ahae azwelapili kutonela macaba.+
Ba muñañatoho basike baipahamisa.+ (Selah)
8 Mulumbeke Mulimu waluna, mina macaba,+Mi muutwahalise mulumo wa milumbeko yahae.
9 Ki yena yalupilisa;+Haalumelezi mahutu aluna kusitatala.*+
10 Kakuli ulutatubile, wena Mulimu;+Ulukenisize sina mokukenisezwa silivera.
11 Ulukenyize mwa kanyandi ka bazumi;Ululwalisize* mushimbo obukiti.
12 Ulumelelize mutu kuluhatikela;*Lufitile mwa mulilo ni mwa mezi;Kihona ulutisa mwa sibaka sa kimululo.
13 Nikakena mwa ndu yahao inze nilwezi linubu za kucisa zefiwa mutumbi;+Nikaeza zeniitamile ku wena+
14 Zene usepisize mulomo waka,+Zene ubulezi mulomo waka hane nili mwa ziyezi.
15 Nika kufa linubu za kucisa za lifolofolo zenunisizwe,Ni musi wa matabelo a lingu zabaana.
Nikaeza matabelo a lipoho hamoho ni lipuli zabaana. (Selah)
16 Amutahe muto utwa, mina kaufela babasaba Mulimu,Mi nika mibulelela zaniezelize.+
17 Nenihuwelelize ku yena ka mulomo wakaNi kumukanyisa ka lulimi lwaka.
18 Kambe neniipulukezi nto yemaswe mwa pilu yaka,Kambe Jehova naasika niutwa.+
19 Kono Mulimu naaniutwile;+Naateelelize kwa tapelo yaka.+
20 Kulumbekwe Mulimu, yanaasika hana tapelo yakaKamba kunitima lilato lahae lelisa feli.
