Lisamu 54:1-7
-
Tapelo ya kukupa tuso mwahalaa lila
-
“Mulimu ki yena yanitusa” (4)
-
Ku muzamaisi wa lipina; kuitusiswe zelizwa za mihala. Masikili.* Samu ya Davida, Mazifi hane batile kuto bulelela Saule kuli: “Davida uipatile mwahalaa luna.”+
54 Wena Mulimu, unipilise ka libizo lahao,+Mi uniyemele+ ka maata ahao.
2 Wena Mulimu, uutwe tapelo yaka;+Uise pilu kwa manzwi azwa mwa mulomo waka.
3 Kakuli batu basili banifetuhela,Mi batu babanani lunya bazuma bupilo* bwaka.+
Habana taba ni Mulimu.*+ (Selah)
4 Bona! Mulimu ki yena yanitusa;+Jehova uinzi ni baba nitusa.
5 Ki yena yakakutiseza lila zaka+ bumaswe bwazona;Uliyundise* kabakala busepahali bwahao.+
6 Nika kuezeza sitabelo+ ka kulata.
Nikalumbeka libizo lahao, wena Jehova, kakuli ki lelinde.+
7 Kakuli ki yena yanilamulela kwa liziyezi kaufela,+Mi nikatalimela lila zaka halitulwa.+
Litaluso ze kwatasi
^ Mubone Litaluso za Manzwi.
^ Kamba “moyo.”
^ Kamba “Hababeyi Mulimu fapilaa bona.”
^ Linzwi ka linzwi, “Ulikuzise.”
