Lisamu 22:1-31
Ku muzamaisi wa lipina; ka mulumo wa “Lizwii la Masa Hapatalala.”* Samu ya Davida.
22 Mulimu waka, Mulimu waka, unituheleziñi?+
Uyemeziñi kwahule usa nipilisi,Kwahule kousa utwi sililo sa butuku boniutwa?+
2 Mulimu waka, niswalelezi kuhuweleza ku wena musihali, kono haualabi;+Mi ni busihu hanikuzi.
3 Kono u yakenile,+U mwahalaa* milumbeko ya Isilaele.
4 Bo ndataa luna nebasepile wena;+Neba kusepile, mi neu balamulelanga.+
5 Nebahuweleza ku wena, mi neu bapilisa;Neba kusepile, mi nebasika swaba.+
6 Kono na, ni libuku, hani mutu,Nisheununwa ki batu ni kushubulwa ki sicaba.+
7 Baba nibona kaufela banisheununa;+Baninyefula ni kuninyungela litoho ka sisomo, bali+
8 “Naaifanile ku Jehova. Cwale haamulamulele!
Haamupilise, kakuli ulatiwa hahulu ki Yena!”+
9 Ki Wena yanizwisize mwa mba ya bo ma,+Yanaa nitusize kuli niikutwe kusilelezwa kwa mazwele a bo ma.
10 Nibeilwe mwa pabalelo yahao* kuzwa fonipepelwa;Ubile Mulimu waka kuzwa fonizwela mwa mba ya bo ma.
11 Usike waba kwahule ni na, kakuli butata bu fakaufi+Mi hanina yomuñwi yanitusa.+
12 Lipohwana zeñata linipotolohile;+Lipoho zemaata za kwa Bashani linibeile mwahali.+
13 Liniatamiseza milomo yazona,+Sina tau yebuluma yepapaula mbuya yayona.+
14 Nisululwa sina mezi;Masapo aka kaufela aleukile mwa lingongo.
Pilu yaka seiswana sina bulota;+Yashengunuka mwa sifuba saka.+
15 Maata aka aomile sina liñetana;+Lulimi lwaka lulamatela kwa busisini bwaka;+Uniisa kwa liluli la lifu.+
16 Kakuli linja linipotolohile;+Linipitihanyize inge sikwata sa batu babamaswe,+Linilumaka kwa mazoho ni kwa mahutu sina tau.+
17 Nakona kubala masapo aka kaufela.+
Banitalimezi ni kunilubukela.
18 Baikabela liapalo zaka mwahalaa bona,Mi baaba liapalo zaka ka loto.+
19 Kono wena Jehova, usike waba kwahule ni na.+
Ki wena maata aka; unituse kapili.+
20 Unilamulele kwa mukwale,Ulamulele bupilo bwaka bwa butokwa* kwa manala* a linja;+
21 Unilamulele kwa mulomo wa tau+ ni kwa manaka a lipoho za mwa naheñi;Unialabe mi unilamulele.
22 Nikabulela libizo lahao kwa banyani baka;+Nika kulumbeka mwahalaa puteho.+
23 Mina babasaba Jehova, amu mulumbeke!
Kaufelaa mina bana* ba Jakobo, amu mukanyise!+
Mumusabe, kaufelaa mina bana* ba Isilaele.
24 Kakuli haasika sheununa kamba kunyenya manyando a yanyandile;+Haasika mupatela pata yahae.+
Hanaa mulilezi kukupa tuso, naautwile.+
25 Nika kulumbeka mwa puteho yetuna;+Nikaeza zeniitamile, fapilaa baba musaba.
26 Babaishuwa bakaca kukula;+Bababata Jehova baka mulumbeka.+
Haike muikole bupilo* kuya kuile.
27 Batu ba mwa maneku kaufela a lifasi bakahupula Jehova ni kukutela ku yena.
Mabasi kaufela a macaba akakubama fapilaa hao.+
28 Kakuli bulena ki bwa Jehova;+Ki yena yabusa macaba.
29 Bafumi* kaufela mwa lifasi bakaca ni kukubama;Batu kaufela babashetumukela kwa liluli bakakubama fapilaa hae;Ku bona hakuna yakona kupilisa bupilo* bwahae.
30 Babasimuluha ku bona* baka musebeleza;Lusika lolutaha lukabulelelwa za Jehova.
31 Bakato bulela za kuluka kwahae.
Bakabulelela batu babaka pepwa zaezize.
Litaluso ze kwatasi
^ Mwendi ili kutalusa mulumo kamba mulizezo.
^ Kamba “Lubona lwahao lu mwahalaa.”
^ Linzwi ka linzwi, “Ninepezwi ku wena.”
^ Linzwi ka linzwi, “bona boninani bunosi,” ili kutalusa moyo wahae, kamba bupilo.
^ Linzwi ka linzwi, “lizoho.”
^ Linzwi ka linzwi, “peu.”
^ Linzwi ka linzwi, “peu.”
^ Linzwi ka linzwi, “Haike pilu yahao ipile.”
^ Linzwi ka linzwi, “Babanunile.”
^ Kamba “moyo.”
^ Linzwi ka linzwi, “Peu.”
