Lisamu 35:1-28
Samu ya Davida.
35 Jehova, uniyemele mwa muzeko wa baba nilwanisa;+Ulwanise baba nilwanisa.+
2 Uunge tebe yahao yenyinyani* ni yetuna,+Mi uyeme unilwanele.+
3 Nanula lilumo lahao ni capu* yahao kuli ulwanise baba nindongwami.+
Unibulelele kuli: “Ki na ya kupilisa.”+
4 Babazuma bupilo* bwaka baswabe ni kushubulwa.+
Babalela kunibulaya bakute mwamulaho inze baswabile.
5 Babe sina muuku ofefulwa ki moya;Lingeloi la Jehova libalelekise.+
6 Nzila yabona iunsufale ni kutelela,Lingeloi la Jehova halinze libandongwami.
7 Kakuli banipatezi kanyandi kuli kaniswase kusina libaka;Baniyepezi mukoti kusina libaka.
8 Kozi imuwele ka sipundumukela;Kanyandi kaapatile kamuswase;Awele ku kona mi asinyehe.+
9 Kono nikataba kabakala Jehova;Nikataba kabakala likezo zahae za kupilisa.
10 Masapo aka kaufela akabulela kuli:
“Wena Jehova, ki mañi yaswana ni wena?
Babatokwa kutusiwa ubalamulela ku babamaata,+Babatokwa kutusiwa ni babotana ubalamulela ku baba bauzweza.”+
11 Lipaki zenani lunya zaataha,+Banibuza lika zenisa zibi.
12 Banikutiseza bumaswe kufita bunde boniezize,+Ili kunitahiseza kuikutwa inge yashwezwi.
13 Kono hane bakula, naapala lisila la saka;Nanyandisa moyo waka ka kuitima lico,Mi tapelo yaka hane isika alabiwa,
14 Nazamaya inze nilila, inge kuli nenilila mulikani kamba mwanahesu;Nainyongamena ka maswabi, inge mutu yalila mahe.
15 Kono hane nisitatalile, bataba mi bakopana hamoho;Bakopana hamoho kuli banibandamene ni kuninata;Banitataula mi nebasa kuzi.
16 Babasa sabi Mulimu banisheununa,*Banikweceza meeno.+
17 Wena Jehova, ukaanga nako yekuma kai unzo talimezi feela?+
Unilamulele kwa litasezo zabona,+Ulamulele bupilo bwaka bwa butokwa* kwa litau zabana.*+
18 Mi fo, nikaitumela ku wena mwa puteho yetuna;+Nika kulumbeka mwahalaa batu babañata.
19 Usike walumeleza babaiketezi kuba lila zaka kusina libaka kuli batabiswe ki manyando aka;Usike walumeleza baba nitoile kusina libaka+ kuli banikobiseze meeto abona ka kubata kunieza maswe.+
20 Kakuli hababuleli manzwi a kozo,Kono balela ka bupumi kuli balwanise batu ba kozo mwa naha.+
21 Baatamisa milomo yabona kunitameleza,Banze bali: “Ehe! Ehe! Meeto aluna aiponezi.”
22 Uiponezi taba yeo Jehova. Usike wakuza feela.+
Wena Jehova, usike waba kwahule ni na.+
23 Uzuhe mi uniyemele mwa taba,Wena Mulimu waka Jehova, uniyemele mwa muzeko waka.
24 Uniatule ka kuya ka kuluka kwahao,+ wena Jehova Mulimu waka;Usike wabalumeleza kutabiswa ki manyando aka.
25 Basike baipulelela kuli: “Ehe! Lufumani sene lubata.”
Basike bali: “Lumumizize.”+
26 Kaufelaa bona baswabe ni kutompololwa,Bona babatabiswa ki ziyezi yaka.
Babaipahamisa fahalimwaa ka baapeswe maswabi ni kushubulwa.
27 Kono babatabiswa ki kuluka kwaka bahuweleze ka tabo;Haike bazwelepili kubulela kuli:
“Jehova abubekwe, yena yatabiswa ki kozo ya mutangaa hae.”+
28 Mi cwale lulimi lwaka lukabulela* za kuluka kwahao+Ni kukulumbeka lizazi kaufela.+
Litaluso ze kwatasi
^ Ili litebe zenyinyani zeneeitusiswanga hañata ki bakunupi ba masho.
^ Kamba “sibanga.”
^ Kamba “moyo.”
^ Kamba mwendi, “Babasa sabi Mulimu banisheununa kuli bafiwe sico.”
^ Linzwi ka linzwi, “bona boninani bunosi,” ili kutalusa moyo wahae, kamba bupilo.
^ Kamba “litau zabana za bulizi-lizi mwa mulala.”
^ Kamba “lukakengeyela.”
