Lisamu 84:1-12
Ku muzamaisi wa lipina; fa Gititi.* Samu ya bana ba Kora.+
84 Tabernakele yahao yekateleha ki yende hahulu,*+Wena Jehova wa limpi!
2 Ninyolezwi,Ki cwalo, nifokoliswa ki kunyolelwaMalapa a Jehova.+
Pilu yaka ni mubili waka lihuweleza ka tabo ku Mulimu yapila.
3 Nihaiba nyunywani ifumana maino mwateñiMi kambimbi kaikezeza siyaleto,Mokababalelela bana bakonaBukaufi ni aletare yahao yekateleha, wena Jehova wa limpi,Mulenaaka ni Mulimu waka!
4 Tabo ki ya babapila mwa ndu yahao!+
Bazwelapili kukulumbeka.+ (Selah)
5 Tabo ki ya batu babafumana maata ku wena,+Babanani lipilu zenyolelwa linzila zeya kwa ndu yahao.
6 Habafita mwa Musindi wa Baaka,*Baufetula sibaka sa maweluwelu;Mi pula ya maseulo iuapesa* limbuyoti.
7 Bakazamaya, maata abona inzaa ekezeha;+Mañi ni mañi utaha fapilaa Mulimu mwa Sione.
8 Wena Jehova Mulimu wa limpi, utwa tapelo yaka;Teeleza, wena Mulimu wa Jakobo. (Selah)
9 Bona, wena tebe yaluna+ ni Mulimu waluna,*Talima pata ya mutoziwa wahao.+
10 Kakuli kuina lizazi lililiñwi mwa malapa ahao ki kokunde kufita kuina mazazi a 1,000 kusili!+
Niketa kuyema mwa munyako wa ndu ya Mulimu wakaKufita kupila mwa litende za babamaswe.
11 Kakuli Jehova Mulimu ki lizazi+ mi ki tebe;+Ki yena yashemuba ni kufa kanya.
Jehova haana kutima nto ifi kamba ifi yendeBabazamaya ka busepahali.+
12 Wena Jehova wa limpi,Tabo ki ya mutu yakusepile.+
