Lisamu 146:1-10
146 Mulumbeke Jah!*+
Moyo waka kaufela ulumbeke Jehova.+
2 Nikalumbeka Jehova mwa bupilo bwaka kaufela.
Nikaopelela Mulimu waka mwa nako kaufela ya bupilo bwaka.
3 Musike mwasepa manduna*Kamba kusepa mwanaa mutu, yasakoni kupilisa.+
4 Moya wahae waazwa ku yena, yena ukutela mwa mubu;+Ka lona lizazi leo, mihupulo yahae yafela.+
5 Tabo ki ya mutu yatusiwa ki Mulimu wa Jakobo,+Yasepile Jehova Mulimu wahae,+
6 Muezi wa lihalimu ni lifasi,Ni liwate, ni ze mwateñi kaufela,+Yena yasepahala ka nako kaufela,+
7 Yaatulela ka kuluka babaputelelwa,Yafa babalapile lico.+
Jehova ulukulula mapantiti.*+
8 Jehova uapula meeto a libofu;+Jehova uinula babaobami;+Jehova ulata babalukile.
9 Jehova usileleza bazwahule;Utusa yasina ndatahe ni mbelwa,+Kono upalelwisa milelo ya babamaswe.*+
10 Jehova ukaba Mulena kuya kuile,+Mulimu wahao, wena Sione, ukaba Mulena kuzwa lusika loluñwi kuya ku loluñwi.
Mulumbeke Jah!*
