Lisamu 78:1-72
Masikili.* Samu ya Asafi.+
78 Mina sicaba saka, muteeleze kwa mulao waka;*Musikekele mazebe amina kwa manzwi aazwa mwa mulomo waka.
2 Nikaatumulusa mulomo waka ka lishitanguti.
Nikabulela mayumbo a kale-kale.+
3 Litaba zeluutwile ni zeluziba,Zeba lukandekezi bo ndataa luna,+
4 Haluna kulipatela bana babona;Lukakandekela lusika lolusa taha+Likezo zebabazeha za Jehova ni maata ahae,+Lika zekomokisa zaezize.+
5 Naabeile kupuliso mwa JakoboMi naatomile mulao mwa Isilaele;Naalaezi bo kuku walunaKuli bazibise bana babona lika ze,+
6 Kuli lusika lolutaha,Bana babaka pepwa, balizibe.+
Mi bona nebaka likandekela bana babona.+
7 Mi cwale bao nebaka sepa Mulimu.
Nebasike balibala misebezi ya Mulimu+Kono nebaka mamela milao yahae.+
8 Mi fo, nebasike baba inge bo kuku wabona,Lona lusika lwa muñañatoho, lwa bakwenuheli,+Lusika lwa batu ba lipilu zeshekesha,*+Bao moya wabona neusika sepahala ku Mulimu.
9 Maefraimi nebaitukisize ka buta,Kono bakuta mwamulaho mwa lizazi la ndwa.
10 Nebasika mamela tumelelano ya Mulimu+Mi nebahanile kuzamaya ka mulao wahae.+
11 Hape nebalibezi zanaaezize,+Misebezi yahae yekomokisa yanaa babonisize.+
12 Naaezize lika zemakaza fapilaa bo kuku wabona,+Mwa naha ya Egepita, mwa sibaka sa Zoani.+
13 Naakauhanyize liwate kuli bafite fahalaa lona,Mi naayemisize mezi sina mamota.+
14 Naabaetelezi ka lilu musihaliNi ka liseli la mulilo busihu kaufela.+
15 Naapazuzi macwe mwa lihalaupa,Abafa mezi, banwa, bakolwa, inge bane banwa mwa buliba bwa mezi.+
16 Atahisa linukana kuzwelela mwa licweMi abubiseza mezi fafasi inge linuka.+
17 Kono bazwelapili kumufosezaKa kufetuhela Yapahami ka Kufitisisa mwa lihalaupa;+
18 Bashemaeta* Mulimu mwa lipilu zabona+Ka kuzeka lico zene bashukezwi.
19 Kiha balwanisa Mulimu ka lipulelo zabona,Bali: “Kana Mulimu wakona kutoma tafule mwa lihalaupa?”+
20 Hamubone! Naanatile licweMi kwabuba mezi mi linukana zabayula.+
“Kana hape wakona kulufa lico,Kamba kufa sicaba sahae nama?”+
21 Jehova hanaa bautwile, ahalifa;+Mulilo+ watukela Jakobo,Mi buhali bwahae bwatukela Isilaele+
22 Kakuli nebasika bonisa tumelo ku Mulimu;+Nebasika sepa maata ahae a kubapilisa.
23 Kiha saalaela malu,Mi akwalula likwalo za lihalimu.
24 Azwelapili kubaneliseza maana kuli bace;Abafa bubeke bwa lihalimu.+
25 Batu baca sico sa babamaata;*+Abafa sona ka buñata kuli mane bakula.+
26 Afukisa moya wa kwa upa mwa mahalimuMi afukisa moya wa kwa mboela ka maata ahae.+
27 Mi abaneliseza nama sina liluli,Abaneliseza linyunywani sina mushabati o fa likamba la liwate.
28 Aliwiseza mwa mafulo ahae,Mwahalaa litende zahae kaufela.
29 Mi baca, balifunjela;Naabafile zene balakaza.+
30 Kono pili basika felisa kale lishuke labona,Lico inze lisali mwahanu,
31 Buhali bwa Mulimu bwabatukela.+
Abulaya baana babona babatiile hahulu;+Atimeza mitangana ba Isilaele.
32 Nihakulicwalo, bafoseza Mulimu ni kufita+Mi nebasika bonisa tumelo mwa misebezi yahae yekomokisa.+
33 Kihaa felisa mazazi abona inge moya obululwa feela,+Mi afelisa lilimo zabona ka lika zesabisa zaka sipundumukela.
34 Kono nako kaufela hanaabulaya babañwi ku bona, neba mubatanga;+Nebakutanga ni kubata Mulimu,
35 Nebahupulanga kuli Mulimu ki yena Licwe labona+Ni kuli Mulimu Yapahami ka Kufitisisa ki yena Muliululi* wabona.+
36 Kono nebalikile kumupuma ka milomo yabonaMi bamubulelela buhata ka malimi abona.
37 Lipilu zabona nelisika kumalela ku yena;+Mi nebasika sepahala mwa tumelelano yahae.+
38 Kono naanani makeke;+Naabaswalelanga* lifoso zabona mi naasa batimezi.+
Hañata naaiswalanga mwa kuhalifa kwahae+Mwa sibaka sa kutuhelela mabifi ahae kaufela.
39 Kakuli naahupulanga kuli nebali nama feela,+Moya ofuka ofitelela feela mi haukuti.*
40 Neba mufetuhezi hañata-ñata mwa lihalaupa+Mi neba muutwisize butuku kwa pilu mwa lihalaupa mo!+
41 Nebakuta-kutezi kulika Mulimu,+Mi nebaswabisize* Yakenile wa Isilaele.
42 Nebasika hupula maata* ahae,Lizazi lanaa balamulezi* kwa sila,+
43 Mwanabonahaliselize lisupo zahae mwa Egepita+Ni limakazo zahae mwa sibaka sa Zoani,
44 Ni mwanafetulezi mezi a mwa maabwa a Nile kuaeza mali+Kuli bapalelwe kunwa mezi a mwa linukana zabona.
45 Naalumile mabuba kuli abatukufaze+Ni limbotwe kuli lisinye naha yabona.+
46 Naafile nziye yelapile lico za mwa masimu abona,Naafile nziye yezamaya sikutu miselo ya misebezi yabona.+
47 Asinya likota zabona za veine ka simbwewewe+Ni likota zabona za sikomora ka macwe a simbwewewe.
48 Naabulaile lifolofolo zabona ka simbwewewe+Ni limunanu zabona ka mamonyi a pula.*
49 Abautwisa butuku ka buhali bwahae bobutuka,Ni mabifi, ni bunyemi, ni manyando,Ni likwata za mangeloi zetisa ziyezi.
50 Alukiseza buhali bwahae nzila.
Naasika balamulela kwa lifu;Mi ababulaya ka butuku bobuyambukela.
51 Kwa mafelelezo, abulaya baeli kaufela ba mwa Egepita,+Bona makalelo a maata abona a lupepo mwa litende za Kama.
52 Kihona azwisa sicaba sahae inge lingu+Mi abazamaisa inge mutapi mwa lihalaupa.
53 Abaetelela inze bali mwa buiketo,Mi nebasina sabo;+Liwate lakwahela lila zabona.+
54 Mi abatisa mwa naha yahae yekenile,+Ku sona sibaka se sa malundu sanaaipumanezi ka lizoho lahae la bulyo.+
55 Alelekisa macaba fapilaa bona;+Abaabela saanda ka muhala wa kumishalisa;+Atahisa kuli masika a Isilaele aine mwa mandu abona.+
56 Kono bazwelapili kushemaeta* Mulimu Yapahami ka Kufitisisa, ni kumufetuhela;+Nebasika isa pilu kwa likupuliso zahae.+
57 Hape bakeluha mi nebanani bupumi sina bo kuku wabona.+
Nebasa koni kusepiwa inge mobusa sepelwi buta bobusika hohiwa.+
58 Bazwelapili kumufoseza ka libaka zabona zelumbile,+Mi bamuhalifisa* ka maswaniso abona a kubeta.+
59 Mulimu autwa mi ahalifa,+Mi ahana Isilaele.
60 Kwa mafelelezo, ahana tabernakele ya kwa Shilo,+Tende yanaapilile ku yona mwahalaa batu.+
61 Atuhelela sisupo sa maata ahae kuya mwa buhapiwa;Atuhelela kanya yahae mwa lizoho la sila.+
62 Atuhelela sicaba sahae kubulaiwa ka mukwale+Mi ahalifela saanda sahae.
63 Mulilo wacisa mitangana bahae,Mi balyanjo bahae nebasika opelelwa lipina za sinawenga.*
64 Baprisita bahae babulaiwa ka mukwale,+Mi limbelwa zene basiile nelisika lila.+
65 Mi cwale Jehova azuha inge yazwa fa buloko,+Inge muuna yamaata,+ yazuha hakololokiwa ki waine.
66 Mi akutisa lila zahae mwamulaho;+Abashubula kuya kuile.
67 Ahana tende ya Josefa;Naasika keta lusika lwa Efraimi.
68 Kono naaketile lusika lwa Juda,+Lilundu la Sione, laalata.+
69 Naaezize sibaka sahae sesikenile kuli siinelele inge mahalimu,*+Inge lifasi laatomile kuli liine kuya kuile.+
70 Naaketile Davida+ mutangaa haeMi amunga kwa milaka ya lingu,+
71 Amuzwisa kwa kulisa lingu zeanyisa;Amueza mulisana wa Jakobo, sicaba sahae,+Ni wa Isilaele, saanda sahae.+
72 Abalisa ka pilu yesepahala,+Mi abaetelela ka mazoho a bukwala.+
Litaluso ze kwatasi
^ Mubone Litaluso za Manzwi.
^ Kamba “tuto yaka.”
^ Linzwi ka linzwi, “zesika itukisa.”
^ Linzwi ka linzwi, “Balika.”
^ Kamba “sa mangeloi.”
^ Kamba “Yanaakutiseza baba baeza maswe.”
^ Linzwi ka linzwi, “Naakwahelanga.”
^ Kamba mwendi, “Kuli moya waya mi haukuti.”
^ Kamba “nebautwisize butuku.”
^ Linzwi ka linzwi, “lizoho.”
^ Linzwi ka linzwi, “lanaa baliuluzi.”
^ Kamba mwendi, “fibele yemaswe.”
^ Kamba “kulika.”
^ Kamba “bamuutwisa lifufa.”
^ Linzwi ka linzwi, “Mi balyanjo bahae nebasika lumbiwa.”
^ Linzwi ka linzwi, “Naayahile sibaka sahae sesikenile, inge bupahamo.”
