Lisamu 149:1-9

  • Pina ya kulumbeka Mulimu kabakala tulo yahae

    • Mulimu utabela batu bahae (4)

    • Likute ki la batu ba Mulimu babasepahala (9)

149  Mulumbeke Jah!* Muopelele Jehova pina yenca;+Mumulumbeke mwa puteho ya babasepahala.+   Isilaele atabe kabakala Mubupi wahae Yomu­tuna;+Bana ba Sione batabe kabakala Mulenaa bona.   Balumbeke libizo lahae inze babina+Ni kumuopelela milumbeko ka kalupanyana ni harepa.+   Kakuli Jehova utabela batu bahae.+ Ukabisa babaishuwa ka kubapilisa.+   Babasepahala banyakalale kabakala kanya yabona;Bahuweleze ka tabo fa mimbeta yabona.+   Fa mumizo wabona kuzwe lipina zelumbeka Mulimu,Mi mwa lizoho labona baswale mukwale olozizwe kafa ni kafa,   Kuli bakutiseze macaba bumaswe bwaonaNi kufa batu koto,   Kuli batame malenaa bona ka mawengeNi babakutekeha babona ka litamiso za sipi,   Kuli bafitise katulo yeñozwi ka za bona.+ Likute leo ki la babasepahala bahae kaufela. Mulumbeke Jah!*

Litaluso ze kwatasi

Kamba “Halelujah!” “Jah” ki kupumela libizo la Jehova.
Kamba “Halelujah!” “Jah” ki kupumela libizo la Jehova.